د افغانستان د طالبانو د مشر ملا هیبت الله اخوند زاده د لیرې کولو ګونګوسې آوریدل کیږي
زمونږخبریال د پارس ټوډې له قوله راپور راکړ، د هندوستان ځينو رسندویو د انجلیو په زده کړې باندې د بندیز په دلیل د افغانستان د طالبانو د مشر په بدلولو باندې د غور کولو خبر ورکړ.
په راپور کې وئيل شوي دي،د هندوستان یوې رسنۍ زیاته کړي ده چې د افغانستان د طالبانو د حکومت لوړرتبه چارواکي د دغه حکومت د اوسني مشر ملا هیبت الله اخوند زارده په څنګ ته کولو غور کوي.
د هندوستان دغه رسنۍ د طالبانو د حکومت د مشر لومړی مرستیال ملا عبدالغني برادر د ملا هیبت الله اخوند زاده د احتمالي ځای ناستي په توګه معرفي کړی دی.
د افغانستان د طالبانو لوړرتبه چارواکي د ملاهیبت الله اخوند زاده په څنګ ته کولو د غورعلت په هیواد کښې د انجلیو په زده کړې باندې بندیز وباله ځکه چې د دوې له نظره د ښځو د زده کړې د موضوع په هکله د ناهیلیو زیاتیدل د طالبانو د حکومت د وحدت د ګډوډیدا لپاره یو ګواښ دی.
د طالبانو حکومت تراوسه د دغه راپور په هکله څه نه دي ویلي.
د ویلو ده چې د افغانستان د طالبانو د لوړرتبه چارواکو ترمینځ له اختلاف سره سره دغه ډله له دغو اختلافاتو انکار کوي.
