ایران په افغانستان کې د کوکنارو د کښت د ممنوعیّت تود هرکلی کوي
ایکنانیوز د فارس له قوله را پور راکړ، د ایران د اسلامی جمهوریت له نشه ایزو موادو سره دمبارزې د کمیشن عمومی منشي سکندر مومني د افغانستان د طالبانو د حکومت له نشه ایزو موادو سره د مبارز ې د ادارې له مرستیال ملا عبدالحق سره په کتنې کې له نشه ایزو موادو سره د مبارزې د ایران د اسلامی جمهوریت پر جدي هوډ او د ایران د انسان دوستۍ په مسئولیّت په ټينګار سره له افغانستاني لوري وغوښتل څو د نشه ایزو موادو د کښت،تولید او قاچاق په ضد دې لاجدي مقابله او مبارزه وکړي.
مومني ددې خبرې په کولو سره چې ایران او افغانستان له یوشان تمدن او کلتوره برخمن دي ، د کوکنارو په ځاي دبل فصل د کرلو د پرمختګ او د خپلو تجروبو دمنتقلولو لپاره ئې د ایران د اسلامی جمهوریت چمتووالی هم اعلان کړ.
ددغې کتنې په پیل کې ملا عبدالحق په افغانستان کې د اپیمو د کښت د ممنوعیّت دفرمان صادریدا ته په اشارې سره ووئیلو دافغانستان چارواکي توانیدلي دي ،د افغانستان په ولایتونو کې د کښت اندازه تر ۹۵ فیصدو پورې کمه کړي ، البته له مخکې انبار شوي تولیدات هماغه شان موجود دي .ملاعبدال حق په پاي کې له نشه ایزو موادو سره د مبارزې او د درملنې په حوزې کې د ایران له بریالیو تجروبو څخه د افغانستان د استفادې غوښته وکړه.
