د امام مهدی(عج)نیکمرغه زوکړه دې پر ټولو مبارک ویج

ایکنا – د ایکنانیوز قرانی خبری آژانس درست کارکونکي د بشر د ژغورونکي د ولایت د دولسم ځلانده ستوری حضرت امام مهدی عجل الله تعالی فرجه الشرف نیکمرغه زوکړې په مناسبت ټولو ته د زړه له کومې مبارکي وائي.

ایکنانیوز راپور راکوي، نن د شعبان د میاشتې پنځلسمه نیټه د اسلام د ګران پیغمبر د یوه پاک لمسي  او ولایت او امامت د دولسم ځلانده ستوری حضرت امام مهدي عجل الله تعالی فرجه الشرف د  نیکمرغه زوکړې ورځ ده ،په درستې نړۍ کې په تیره په درست ایران،پاکستان،افغانستان او نورو اسلامی او غیر اسلامی هیوادونو کې د اهل بیت علیهم السلام درست مینه وال په دې مناسبت جشنونه جوړوي او  خوشالۍ کوي.

د ایران دقم مقدس په جمکران جومات کې په دې مناسبت  چې د امام الزمان علیه السلام په جومات هم مشهور دی ، ځانګړي دستورې له پرون راهسېې روانې دي او نن به دواو ولري.

وئيل کیږي، تر دې دمه په دغودستورو کې د ګډون لپاره په میلیونونو مینه والو ځانونه قم المقدس ښار  و جمکران جومات ته رسولي دي.

د ایکنانیوز قرآنی خبری آژانس په دې مناسبت درستو پتمنو، مسلمانانو او د اهل بیت علیه السلام ټولو مینه  والو ته د زړه له کومې مبارکي وائي او د امام مهدی د ظهور د تعچیل لپاره دعا کوي.