د جنایتکار اووحشي دښمن بدعهدیو ته پریکنده ځواب ورکولو ته تیار یو

ایکنا-  د خاتم الانبیا(ص) مرکزي قرارګاه یا غونډ قومندان امریکائي –صهیونیسټي دښمن ته خبرداری ورکړ: د ایران د اسلامي جمهوریت وسله وال ځواکونه به د هر  یوه لوظ ماتونې پریکنده او جوت ځواب ورکړي.

ایکنانیوز راپور راکړ، د خاتم الانبیاء مرکزي غونډ قوماندان جنرال علي عبداللهي د اسلامي انقلاب د سپاه پاسداران د کلیزې یعنې د غوايي د  میاشتې د دویمې نیټې په مناسبت په یوه پيغام کښې ولیکل: د ایران میړني او شجاع او له حکومت او ولس سره مل وسله وال ځواکونه، د ټولو قواو د معظم قومندان له تدبیرونو او احکامو په بشپړې پيروۍ کښې له مخکښې په لازیات اتحاد او یووالي سره، د دښمن ګواښونو او اقداماتو ته د پریکنده او سمدستي ټاکونکو ځوابونو  ورکولو ته چمتو دي او په برلاسي سره به د پوځي جګړې د قرارۍ په حالاتو کښې به په تیره بیا د هرمز تنګلي د مدیریت او کنټرول په لړ کښې د امریکې دروغجن او وهمي ولسمشر ته د میدان له وضعیته د غلطو او دروغو روایتونو او ناوړه استفادې اجازه ورنه کړي.د ایران د اسلامی جمهوریت وسلوال ځواکونو انګیزه په دې لازیاته او څو برابره شوې ده چې د ایران شجاع او موقعه پیژاندي ولس  په چوکونو او سړکونو کې په ولولوناک او پراخ شتون سره  د وسلوالو ځواکونو پشتیباني کړې او  هیڅکله ئې هم خپل بچیان د جنګ په ډګر کې یوازې نه دي پریښودلي.

https://iqna.ir/fa/news/4347762