له محرم میاشتې راهیسې عراق ته د درې میلیونو څخه د زیاتو بهرنیو زائرانو واریدیدا
د ایکنا د راپور له مخې چې د میډل ایست نیوز له قوله یې خپور کړی راغلی دي، د عراق د امنیتي رسنیو د مرکز مشر سعد معن د جمعې په ورځې ویلي دي، د هغو زائرانو شمېر چې له بېلابېلو سرحدي لارو عراق ته داخل شوي څو د امام حسین(ع) د اربعین په مراسمو کې ګډون وکړي، له ۳ میلیون او ۴۳۵ زره کسانو څخه اوښتی دی.
معن د عراق رسمي خبري اژانس (واع) ته وویل، د محرم میاشتې له پیل څخه د تېرې شپې تر پایه پورې، عراق ته د واریدیدونکو زائرانو شمېر ۳ میلیونه، ۴۳۵ زره او ۴۹۲ کسانو ته رسېدلی دی.
هغه زیاته کړه چې دغه زائران د نړۍ د ۱۷۲ بېلابېلو هېوادونو او ملیتونو استازي دي او د اربعین په مراسمو کې د ګډون لپاره عراق ته ورغلي دي.
د عراق د امنیتي رسنیو د مرکز مشر ټینګار وکړ چې د اربعین مراسم په لوړه کچه د نظم، امنیت او اسانتیاوو په فضا کې روان دي، او امنیتي ځواکونه او حسیني موکبونه په پراخو هڅو سره زائرانو ته خدمتونه وړاندې کوي او د هغوی لپاره مناسب شرایط برابروي.
هغه همدارنګه وویل چې د حسینی اربعین لپاره ځانګړي امنیتي او خدماتي پلانونه لا هم دوام لري، څو د زائرانو تګ راتګ په اسانه او منظم ډول ترسره شي.
https://iqna.ir/fa/news/4367269
