Mamia ya viongozi wa kidini na wawakilishi wa mashirika pamoja na jumuiya mbalimbali za Kiislamu za Marekani walishiriki katika kikao hicho.
Robert Beebe, mhadhiri katika Chuo Kikuu cha Chicago, Shariff al-Jamal, mwanadamizi wa mradi wa kujengwa msikiti mkuu wa New York, Helen Thomas, mwandishi wa Marekani aliyelazimishwa kujiuzulu kazi yake huko White House kutokana na matamshi aliyotoa dhidi ya Wazayuni na Tariq Ramadhan mwanafikra wa Kiislamu ni baadhi ya watu waliohutubu katika mkutano huo.
Mkutano huo wa siku moja uliofanyika kwa lengo la kutoa mafunzo ya uongozi bora kwa Waislamu pia ulijadili masuala mengine yakiwemo ya utoaji hutuba mbele ya umma, mahojiano na vyombo vya habari, kuchunguza chuki dhidi ya Uislamu na kufahamu haki za kisheria.
Baraza la Uhusiano wa Kiislamu na Marekani ni jumuiya kubwa zaidi inayotetea haki za kiraia za Waislamu nchini Marekani.
Baraza hilo pia linashughulikia kueneza Uislamu nchini Marekani, kuimarisha mazungumzo kati ya dini tofauti, kutetea uhuru wa raia na kuimarisha nafasi ya Waislamu nchini humo. 671256
