Osama Raslan, amesema kuwa misikiti hii imejengwa au kukarabatiwa kwa gharama ya zaidi ya pauni bilioni 28 za Misri.

Alisema kumekuwepo na maendeleo makubwa katika sekta ya ujenzi, ustawi na ukarabati wa nyumba hizi za Allah nchini Misri katika kipindi cha miaka 12 iliyopita. Kwa mujibu wa msemaji huyo, jumla ya pauni bilioni 28.8 za Misri zimetumika kutekeleza miradi hiyo.

Akizungumzia mchakato endelevu wa ufunguzi wa misikiti hiyo, Raslan alisema kila siku ya Ijumaa, bila kukosa, uzinduzi wa misikiti mipya hufanyika nchini Misri, iwe ni ujenzi mpya kabisa, ukarabati na badiliko, au shughuli za matengenezo na urejeshaji. Alisema kuwa angalau moja ya shughuli hizi hufanyika kila wiki.

Msemaji huyo alisisitiza kuwa umakini wa wizara kwa misikiti sio tu katika ujenzi pekee, bali pia kuwajali rasilimali watu wanaofanya kazi misikitini na kuwapatia nyenzo za kiutamaduni ni jambo lenye umuhimu mkubwa. Aliongeza kuwa maktaba zimeanzishwa ndani ya misikiti, na katika maeneo mengine ambako wakazi hawazungumzi Kiarabu, maimamu wanaozungumza lugha za kigeni kwa ufasaha wapo misikitini ili kuwasilisha programu za kielimu na kidini kila siku katika lugha mbalimbali.

Raslan alibainisha kuwa wizara imefanya takriban kozi 3,400 za mafunzo ambazo zimewanufaisha karibu watu 295,000. Kozi hizi zinajumuisha masomo kuhusu mada kama vile mabadiliko ya kidijitali, uhandisi, masuala ya kisheria na utawala, namna ya kushirikiana na vyombo vya habari, kuboresha utendaji kazi, na kukuza ujuzi wa kiakili na usimamizi.

Msemaji huyo alisisitiza umakini maalum wa serikali kwa misikiti iliyohusishwa na Ahl-ul-Bayt (AS), na kusema kuwa Rais wa Misri anafuatilia kwa karibu maendeleo yanayohusiana na misikiti hii. Aliongeza kusema kuwa uteuzi wa maimamu wa kuswalisha katika misikiti hiyo unafanywa kwa uangalifu na umakini mkubwa zaidi, kwa sababu maeneo haya matukufu yana nafasi ya pekee mioyoni mwa wananchi wa Misri.

3498714