تکفیری دھشتگردوں کا حرم بی بی سکینہ (س) پر راکٹ حملہ ، طلائی گنبد شہید !

بین الاقوامی گروپ : شام میں دہشت گرد گروپوں نے "داریا" میں واقع حضرت سکینہ(ع) کے روضہ مبارک پر راکٹوں سے حملہ کیا ہے جس کے بعد گنبد سمیت حرم کے دیگر حصہ کو شدید نقصان پہنچا ہے ۔

ایران  کی  قرآنی  خبر  رساں  ایجنسی (ایکنا)  نے  اطلاع رساں ویب سائیٹ "العھد"  کے حوالے سے نقل کرتے ہوئے کہاہے کہ شام میں مسلح تکفیری سلفی وہابی دہشت گردوں نے حضرت امام حسین علیہ السلام کی بیٹی حضرت بی بی سکینہ (س) کے طلائی گنبد پر کئی راکٹ فائر کرکے اسے شہید کردیا ہے۔
قابل ذکر ہے کہ شامی فوج اور عوام نے ملکر داریا علاقہ سے دہشت گردوں کو باہر نکال دیا تھا لیکن دہشت گرد دور سے ہی اس حرم مطھر پر راکٹ حملے کرتے اور اسے شہید کرنے کی کوشش کرتے رہے  ہیں دریں اثنا تکفیریوں کے تازہ ترین حملوں میں حرم بی بی سکینہ (س) کا گنبد طلائی شہید ہو گیا ہے۔
واضح رہے کہ سلفی وہابی دہشت گرد ، پیغمبر اسلام حضرت محمد (ص) اور ان کی آل پاک (ع) کے سخت دشمن ہیں ، سلفی وہابی دہشت گرد معاویہ اور یزید اور بنی امیہ خاندان کے حامی ہیں۔
1371595