پاکستان ؛ شہدائے یوم القدس کی یاد میں مجلس اور محفل تلاوت کا اہتمام

بین الاقوامی گروپ: قبلہ اول کے شہداء کی یاد میں مجلس اور محفل تلاوت کا اہتمام مجلس وحدت مسلمین پاکستان ، بلوچستان کی جانب سے کیا گیا ہے ۔

ایکنا نیوز- ماہ صیام ،ماہ قرآن اور یوم قدس کی مناسبت سے کوئٹہ میں مجلس اور محفل تلاوت بیاد شہدائے یوم القدس کا اہتمام امام بارگاہ نیچاری میں مجلس وحدت مسلمین کے تعاون سے کیا گیاہے۔
آج تیئس رمضان المبارک  بروز منگل شام پانچ بجے شروع ہونے والی اس محفل اور مجلس میں پاکستان کے دیگر شہروں سے آئے ہوئے جید علماء خطاب کریں گے اور ماہ رمضان ، قرآن مجید اور یوم القدس کی اہمیت پر روشنی ڈالنے کے علاوہ شہدائے یوم القدس کو خراج تحسین  پیش کریں گے ۔ 
شہداء کی یاد میں منعقدہ اس مجلس میں تقاریر کے علاوہ بلوچستان کے نامور قراء بھی اس محفل میں شرکت اور تلاوت کریں گے ۔
قابل ذکر ہے کہ چارسال قبل کوئٹہ میں قبلہ اول اور فلسطینی عوام سے اظھار یک جہتی کے لیے نکالے گئے جلوس اور ریلی پر خود کش حملے کے نتیجےمیں سینکڑوں افراد شہید اور زخمی ہوگئے تھے ۔