مصر کے دارالافتاء نے قرآنی رنگ ٹون کو حرام قرار دیا
ایکنا نیوز- اطلاع رساں ادارے «بوابة فیتو»، کے مطابق مصر کے دارالافتاء نے اپنے رسمی اعلامیے میں کہا ہے کہ قرآن مجید خدا کا بہترین کلام ہے جو حضرت محمد(ص) پر نازل کیا گیا ہے اور اسے بہترین انداز میں پڑھنے کا حکم دیا گیا ہے ۔
اور سوره واقعه کی آیت : «اِنَّهُ لَقُرْانٌ کَریم، فی کِتابٍ مَکْنُونٍ، لا یَمَسُّهُ اِلّا الْمُطَهَّرُون؛ کے مطابق قرآن کو طھارت اور پاک افراد کے سوا کوئی اور ہاتھ نہیں لگا سکتا ۔
لہذا مناسب نہیں کہ اس پاکیزہ کلام کو موبائل فون میں رنگ ٹون بنا کر استعمال کیا جائے کیونکہ یہ صرف عبادت اور ذکر کے لیے اترا ہے ۔ رنگ ٹون میں اسکا استعمال غیر مہذبانہ ہے ۔
موبائل رنگ ٹون میں اذان رکھنا بھی درست نہیں کیونکہ اذان صرف نماز کے اوقات کے لیے مخصوص ہے اسے ہر جگہ بغیر وقت نماز کے لیے بجانا مناسب نہیں ۔
مصر کے دارالافتاء نے کہا ہے کہ نعت اور اسلامی ترانے البتہ ممنوع نہیں اور اسکا استعمال جائز ہے ۔
