موصل کی آزادی کے لیے حالات آمادہ: العبیدی
ایکنا نیوز- ایران ریڈیو-موصولہ رپورٹ کے مطابق عراقی وزیر دفاع نے ایک پریس کانفرنس میں کہا کہ موصل کو داعش کے قبضے سے آزاد کرانے کے لیے فوجی منصوبے تیار کر لیے گئے ہیں لیکن ہم کسی کو بھی حتی فوج میں بھی ان منصوبوں کی کسی کو اطلاع نہیں دیں گے اور نہ ہی ان کے شروع ہونے کا وقت بتائیں گے- انھوں نے کہا کہ موصل میں داعش پر فتح بہت قریب ہے- عراقی وزیردفاع خالد العبیدی نے کہا کہ موصل میں سیکورٹی کے حالات اس شہر کی آزادی کے لیے فوجی کارروائی انجام دینے کے لیے پوری طرح سازگارہیں- ان کا کہنا تھا کہ اس شہر کی آزادی کے لیے فوجی منصوبے تیار ہو چکے ہیں خصوصا اس لیے کہ موصل کے اکثر باشندے داعش کے ہاتھوں ڈھائے جانے والے مظالم کے سبب عراقی فورسز کے ساتھ مل جائیں گے- انھوں نے امید ظاہر کی کہ داعش کے شر سے نجات حاصل کرنے کی کارروائی رواں سال سے آگے نہیں جائے گی اور دہشت گردی کے خلاف فتح اسی سال حاصل ہو جائے گی- عراقی وزیردفاع نے مزید کہا کہ غیرملکی فوجی مشیر فوجی کارروائیوں کے تربیتی اور فنی مسائل کے بارے میں مشورے دے رہے ہیں-
