جرمنی کی اعلیٰ ترین عدالت نے سکول خواتین اساتذہ پر ہیڈ سکارف پہننے پر پابندی ختم کر دی
ایکنانیوز- ڈیلی پاکستان- جرمنی کی عدالت نے خواتین اساتذہ پر 2003سے لگائی گئی پابندی ہٹا دی۔
تفصیلات کے مطابق جرمنی کے شہر کالسروہے کی عدالت نے کہاکہ یہ پابندی ملکی آئین کے مطابق نہیں ہے سر پر سکارف لینے پر پابندی کا جواز اس صورت بنتاہے جب یہ سکول کے امن یا کسی صوبے کے غیر جانبداری کیلئے واقی خطرہ ہو لیکن محض خیالی خطرہ پابندی کیلئے کافی نہیں ہے ۔
مقامی ٹی وی چینل دنیا نیوز کے مطابق عدالت نے جرمن صوبے نارتھ رائن ویسٹ فیلیا کے ایجوکیشن ایکٹ کا کچھ حصہ بھی منسوخ کر دیا ہے جس میں کرسچن اقدار اور روایات کو فروغ دینے کی بات کی گئی تھی۔ عدالت کے مطابق یہ دیگر مذاہب کے لئے ناموافق ہے، اس لئے یہ درست نہیں ہے۔ واضع رہے کہ کئی یورپی ممالک بشمول فرانس اور روس وغیرہ میں بھی اس معاملے پر تنازعات کھڑے کر رہے ہیں۔ سنگاپور میں ایک سکول کی چار مسلمان طالبات کو اس لئے معطل کردیا گیا تھا کہ وہ سکارف پہنتی تھیں۔
