یمن، رہبر انقلاب اسلامی کے موقف کی قدردانی
ایکنا نیوز- ایران ریڈیو- عوامی انقلابی تحریک انصاراللہ کی صحافتی ٹیم کے رکن نصرالدین عامر نے جمعے کو العالم کو انٹرویو دیتے ہوئے کہا کہ یمن کے عوام نے رہبر انقلاب اسلامی کی جانب سے اس ملک پر سعودی عرب کے حملے کی مذمت کا خیر مقدم کیا اور کہا کہ ، یمن کے مظلومین کے مفاد میں ہرطرح کے موقف کی حمایت کرتے ہیں- نصرالدین عامر نے مزید کہا کہ آیت اللہ العظمی سید علی خامنہ ای اور ایران جیسے انقلابی ملک کی جانب سے کہ جو ہمیشہ ہی مستضعفین کے حامی رہے ہیں، دانشمندانہ موقف اختیار کرنا معمول کی بات ہے - انہوں کہا کہ بڑی عجیب بات ہے کہ عالمی سامراجی ذہن اس موقف کی مخالفت کر رہا ہے- یمن کی عوامی انقلابی تحریک انصار اللہ کے کے اس رکن نے کہا کہ آیت اللہ العظمی خامنہ ای اپنے علمی مقام و مرتبے اور بحثیت ولی امر مسلمین، سنت الہی کے مفھوم کے پیش نظر اچھی طرح جانتے ہیں کہ قرآن کریم کے وعدے کے مطابق کامیابی مستضعفین کا مقدر ہو گی-واضح رہے کہ رہبرانقلاب اسلامی نے جمعرات کے روز کو اپنے ایک خطاب میں فرمایا کہ سعودیوں نے یمن پر جارحیت کر کے خطا اور غلطی کی ہے اور علاقے میں غلط روایت قائم کی ہے- آپ نے اپنے اس خطاب میں فرمایا کہ بچوں کو قتل کرنا ، گھروں کو ڈھانا اور اس ملک کے بنیادی ڈھانچوں اور قومی سرمائے کو تباہ و برباد کرنا ، بہت بڑا جرم ہے-
