بولان: امام بارگاہ کے باہر تکفیریوں کے ’خود کش‘ حملے میں 12 شہید

بین الاقوامی گروپ:بلوچستان کے ضلع بولان میں امام بارگاہ کے باہر مبینہ خود کش حملے میں شہیدوں میں چھ بچے شامل ہیں

ایکنا نیوز- جمعرات کو بولان کی تحصیل باگ کے علاقے گوٹھ چھالگری میں ہونے والے زور دار بم دھماکے میں درجنوں افراد زخمی بھی ہوئے۔

لشکر جھنگوی عناصر کے دھماکے کے بعد سیکیورٹی فورسز اور ریسکیو عملہ جائے وقوعہ پر پہنچ گیا۔

بلوچستان کے وزیر داخلہ سرفراز بگٹی نے دس ہلاکتوں کی تصدیق کرتے ہوئے بتایا کہ امام بارگاہ کے باہر موجود گارڈز نے ایک مشکوک شخص کو روکا، جس کے فوراً بعد دھماکا ہو گیا۔

علاقے میں کوئی بڑا ہسپتال نہ ہونے کی وجہ سے اور ریسکیو عملے کی وجہ سے زخمیوں کی مدد میں مشکلات حائل ہیں۔

بلوچستان کے وزیر اعلی عبدالمالک بلوچ نے دھماکے کی مذمت کرتے ہوئے کہا کہ وہ خود صورتحال کی نگرانی کر رہے ہیں۔