مزاحمتی خواتین سید شهید نصرالله کی راہ میں عھد پر قایم ہیں

ایکنا: وبینار «سیدحسن نصرالله، مکتب جاودانی» میں شریک خؤاتین نے کہا ہے کہ وہ اس عظیم لیڈر کی راہ میں کسی قربانی سے دریغ نہیں کریں گی۔

ایکنا کی رپورٹ کے مطابق، مجمع جهانی تقریب مذاهب کے پبلک ریلیشنز کی نقل کردہ خبر کے مطابق، ویبینار "سید حسن نصراللہ، مکتب جاویدان"  بروز پیر، 14 اکتوبر کو مجمع جهانی تقریب مذاهب اسلامی کی جانب سے منعقد ہوا۔
اس ویبینار میں لبنان سے زہرا ملدان، لبنان سے راغدہ المصری، پاکستان سے سارہ سید کاظمی، انڈونیشیا سے ساردی محمود وردانی، یمن سے سوسن افضلی، عراق سے ابتسام الشحمانی، لبنان سے بتول خنسا، شام سے فاطمہ آزادی منش، لبنان سے فدوی عبد الساتر، اور انڈونیشیا سے وااوده زینب تورسانی نے تقاریر کیں۔

پاکستانی یونیورسٹی کی پروفیسر سارہ سید کاظمی نے اس ویبینار میں کہا: "سید حسن نصراللہ نے ظالموں، صیہونی حکومت، اور قابضین کے خلاف مزاحمت کی، جنہوں نے فلسطین اور اب لبنان میں نسل کشی کا آغاز کیا ہے۔
انہوں نے مزید کہا: سید حسن نصراللہ دنیا بھر میں لاکھوں دلوں کے لیے ایک الہام ہیں۔ وہ آزاد اور مظلوم عوام کے لیے تحریک کا ذریعہ ہیں اور اپنے ۳۲ سالہ دورِ خدمت میں مظلوموں کے دفاع کے لیے ہر ممکن اقدام کیا۔ انہوں نے مظلوموں کے لیے قیام کیا، بے آوازوں کی آواز بنے اور بے دفاعوں کا دفاع کیا۔

لبنان سے قدس خواتین کی انجمن کی صدر راغدہ المصری نے ویبینار "سید حسن نصراللہ، مکتب جاودانی" میں کہا: ہم لبنان کی مزاحمتی خواتین سید الشہداء مقاومت کے ساتھ اپنے عہد پر قائم ہیں، اور ہمیں اس بات کی پرواہ نہیں کہ ہمارے گھر تباہ ہو جائیں۔ ہم اپنے ملک میں قابض دشمن کے خلاف کھڑے ہیں۔/

4242355