مسلمان انڈین کی اکثریت بن سکتے ہیں

ایکنا: کلکتہ کے مئیر نے ایک بیان میں کہا کہ مسلمان جو اقلیت میں ہے وہ اکثریت بن سکتے ہیں۔

ایکنا نیوز، fx16  نیوز کے مطابق ، کلکتہ کے میئر اور ترینامول کانگریس پارٹی کے رہنما فرہاد حکیم نے مسلمانوں کی اس صلاحیت پر زور دیا کہ وہ اکثریتی طبقے سے بھی زیادہ مضبوط ہوسکتے ہیں۔ اس بیان پر بی جے پی کے مغربی بنگال کے صدر سوکانتا ماجومدار نے شدید ردعمل ظاہر کیا اور حکیم کے بیان کو "خالص زہر" قرار دیتے ہوئے انہیں مذہبی نفرت پھیلانے اور خطرناک اقدامات کی حوصلہ افزائی کا الزام دیا۔

فرہاد حکیم کا بیان

ایک ویڈیو میں، جو سوشل میڈیا پر گردش کر رہی ہے، فرہاد حکیم نے ایک تعلیمی پروگرام کے دوران کہا: "ہم ایک ایسے معاشرے سے تعلق رکھتے ہیں جس میں 33 فیصد لوگ بنگلہ دیش سے آئے ہیں۔ لیکن ہندوستان میں ہمیں 'اقلیتی طبقہ' کہا جاتا ہے۔ ہم یہ نہیں مانتے کہ ہم اقلیت ہیں، اور ہمارا ایمان ہے کہ اگر خدا کی نعمت ہم پر ہوئی تو ایک دن ہم اکثریتی طبقے سے بھی بڑے ہو سکتے ہیں۔"

سوکانتا ماجومدار کا ردعمل

ماجومدار نے اس ویڈیو کلپ کو شیئر کرتے ہوئے حکیم کے بیان کو "خالص زہر" کہا اور کہا کہ یہ بیان مذہبی نفرت کو فروغ دینے اور خطرناک اقدامات کی حوصلہ افزائی کے مترادف ہے۔ انہوں نے مزید کہا کہ یہ بیان نہ صرف نفرت کو ہوا دیتا ہے بلکہ ہندوستان میں بنگلہ دیش جیسی صورتحال پیدا کرنے کی سازش ہے۔ ماجومدار نے اتحاد INDI کے ان اراکین سے بھی مطالبہ کیا جو اس معاملے پر خاموش ہیں کہ وہ اس پر اپنی رائے کا اظہار کریں۔/

4254299