فلسطین کے حق میں جماعت اسلامی پاکستان کا ملین مارچ

ایکنا: جماعت اسلامی پاکستان فلسطینیوں کے حق میں ملین مارچ پروگرام کا ارادہ رکھتا ہے۔

ایکنا نیوز کے مطابق، صدائے پاکستان کی رپورٹ کے حوالے سے، جماعت اسلامی پاکستان کے امیر حافظ نعیم الرحمٰن نے اعلان کیا ہے کہ فلسطینی عوام کے ساتھ یکجہتی کے اظہار کے لیے 20 اپریل کو اسلام آباد میں ایک عظیم الشان "ملین مارچ یا ریلی" کا انعقاد کیا جائے گا۔

انہوں نے یہ بات جماعت اسلامی کے دفتر اسلام آباد میں ایک پریس کانفرنس سے خطاب کرتے ہوئے کہی۔

انہوں نے حیرت کا اظہار کیا کہ جب وائٹ ہاؤس کے سامنے مظاہرے کیے جا سکتے ہیں تو اسلام آباد میں امریکی سفارت خانے کے سامنے مظاہرے کیوں نہیں کیے جا رہے۔

حافظ نعیم الرحمٰن نے یہ بھی اعلان کیا کہ 22 اپریل کو فلسطینیوں کی حمایت اور اسرائیل کے خلاف احتجاج کے طور پر پورے پاکستان میں عام ہڑتال کی جائے گی۔

انہوں نے کہا: "ہم فلسطینیوں کے خون پر کوئی سودے بازی نہیں ہونے دیں گے۔ اگر ہم فلسطینیوں کی مدد کریں گے تو خدا ہماری مدد کرے گا۔ اور اگر ہم احتجاج سے باز آ گئے تو یہ اسرائیل نواز قوتوں کے حق میں جائے گا۔"

انہوں نے مزید کہا: "20 اپریل کو اسلام آباد میں ملک کی تاریخ کی سب سے بڑی ملین ریلی نکالی جائے گی، جس میں عوام غزہ کی حمایت میں اٹھ کھڑے ہوں گے اور اسرائیل و امریکہ سے اپنی نفرت کا اظہار کریں گے۔"

حافظ نعیم الرحمٰن نے کہا: "غزہ میں نسل کشی جاری ہے۔ صہیونی جان بوجھ کر بچوں کو نشانہ بنا کر قتل کر رہے ہیں۔ یہ ایک وحشی دشمن ہے جو امریکی پشت پناہی کے ساتھ بے گناہ شہریوں پر بمباری اور خونریزی میں مصروف ہے۔"

انہوں نے واضح کیا: "حماس قابض افواج کے خلاف مزاحمت کا اپنا جائز حق استعمال کر رہی ہے۔ حماس کو ہتھیار ڈالنے پر مجبور کرنے کا مطالبہ ناقابل قبول ہے اور کبھی پورا نہیں ہوگا۔"

انہوں نے تمام طبقات پر زور دیا کہ وہ فلسطین کی حمایت کریں اور امریکہ و اسرائیل کی مذمت کریں۔

آخر میں انہوں نے کہا: "نتن یاہو بار بار اعلان کر چکا ہے کہ اس کے عزائم صرف غزہ تک محدود نہیں بلکہ اس کے منصوبے اس سے کہیں زیادہ خطرناک ہیں۔ مسلم حکمرانوں کو اپنا مؤقف واضح کرنا ہوگا۔ اسرائیل کو امریکہ اور بعض اسلامی حکومتوں کی حمایت حاصل ہے۔ جنگ میں شکست کے بعد اب اسرائیل بچوں کو نشانہ بنا رہا ہے۔"

.

4276841