پانچ مہینے میں ۴ میلین عمرہ ویزا کی درخواست

ایکنا: سعودی عرب کی وزارتِ حج و عمرہ نے اعلان کیا ہے کہ پانچ ماہ سے بھی کم عرصے میں عمرہ مفردہ کے لیے چار ملین (40 لاکھ) سے زائد ویزا درخواستیں موصول ہو چکی ہیں۔

ایکنا نیوز کے مطابق، موجودہ عمرہ سیزن میں سعودی عرب غیر معمولی تعداد میں غیر ملکی زائرین کی آمد کا مشاہدہ کر رہا ہے۔

وزارتِ حج و عمرہ نے بتایا کہ گزشتہ چند برسوں میں کورونا پابندیوں اور بنیادی سہولیات کی کمی کے باعث عمرہ زائرین کی تعداد میں اضافہ ممکن نہ تھا، لیکن گزشتہ دو سال کے دوران سعودی حکومت نے "نسک" (Nusuk) نامی آن لائن نظام متعارف کرا کر غیر ملکی زائرین کے لیے بغیر کسی واسطے کے براہِ راست ویزا درخواست دینے کی سہولت فراہم کر دی ہے۔

وزارت کے مطابق، عمرہ کے سب سے زیادہ درخواست گزار ممالک میں پاکستان، انڈونیشیا، بھارت، عراق اور مصر شامل ہیں۔

سعودی حکام کا کہنا ہے کہ "سمارٹ اور آسان زیارت کا نظام" مملکت کو ویژن 2030 کے اہداف، بالخصوص سیاحت سے حاصل ہونے والی آمدنی میں اضافے کے ایک اور قدم قریب لے آیا ہے۔/

4312425