İQNA-nın (Beynəlxalq Quran Xəbər Agentliyi) verdiyi xəbərə görə, İraqın Nəcəf şəhərinin ən hündür nöqtəsi və İmam Əlinin (ə) müqəddəs hərəminə yaxın yerdə olan "əl-Hüvəyş" dağının üzərində "Əmirəlmöminin Əlinin (ə) vilayəti" heykəli ucaldılıb.
"Əmirəlmöminin Əlinin (ə) vilayəti" heykəlinin açılış mərasimində Əhli-Beyt (ə) aşiqləri, İmam Əlinin (ə) hərəminin idarə şurasının üzvləri, Nəcəf şəhərinin polis alayının komandiri və İmam Əlinin (ə) müqəddəs hərəminin mütəvəllisi Şeyx Yusif Razi iştirak ediblər.
Əmirəlmöminin Əlinin (ə) vilayəti" heykəli məşhur Qədir-Xum dastanını tərənnüm edir və heykəldə Peyğəmbərin (s) vasitəsi ilə İmam Əlinin (ə) havaya qaldırılmış əli təsvir edilibdir.