Britaniya xalqı Qəzzaya dəstək üçün böyük nümayiş keçirib
“Əl-Ərəbi Əl-Cədid” saytının verdiyi məlumata görə, Londonun mərkəzində Embankment metro stansiyasının qarşısında başlayan nümayişə təxminən yarım milyon insan qatılıb.
Nümayiş Fələstin Həmrəyliyi Kampaniyası tərəfindən bir sıra Fələstin tərəfdarı qrup və təşkilatlarla birgə təşkil olunub.
Etirazçılar sionist rejimin Fələstindəki cinayətlərində İngiltərənin rolunu pisləyən şüarlar səsləndirərək Britaniya hökumətinin qərargahına doğru yürüş ediblər.
Etirazçılar Nəkbə Gününün sadəcə bir anım günü deyil, davam edən faciə olduğunu vurğulayaraq, işğalın Balfur Bəyannaməsi və Londonun İsrailə tarixi dəstəyinin birbaşa nəticəsi olduğunu qeyd ediblər.
Nümayişçilər həmçinin İsrail rejiminin Qəzza zolağına hücumlarına son qoyulmasını tələb edib və bildiriblər ki, Britaniyanın Qəzzada silah istifadə etməsi hərbi cinayətlərə görə parlament tərəfindən araşdırılmalıdır.
Bildirilib ki, şənbə günü Avropa ölkələrinin müxtəlif şəhərlərində Qəzzada müharibənin davam etdirilməsinə etiraz olaraq kütləvi nümayişlər keçirilib.
Nümayişçilər Almaniyanın Berlin və Ştutqart və Danimarkanın Kopenhagen şəhərlərində də etiraz aksiyaları keçirərək, İsrail rejiminin Qəzza zolağına hücumlarını və bombardmanlarını pisləyiblər.
Etirazçılar əllərində Fələstin bayraqları və Qəzzə müharibəsinin davam etməsini və qəzzalıları zorla köçürmə planlarını pisləyən pankartlarla sionist rejimin döyüş maşınının dayandırılmasının vacibliyini vurğulayıblar.
Nümayiş iştirakçıları Qəzza zolağında sərhəd qapılarının açılması və bölgəyə humanitar yardımların çatdırılmasının vacibliyini də vurğulayıblar.
4283128
