IQNA

17:53 - October 01, 2020
Xəbər sayı: 3488240
Kərbəla şəhidlərinin mokiblər üzrə katibliyinin sədr müavini Haşim Əl-Musəvi deyib ki, polis və hərəmin mokiblər idarəsində Kərbəlada zəvvarlara xidmət etmək üçün 10 min mokib qeydiyyatdan keçib.
Ərbəin ziyarəti zamanı 10 min xidmət qrupu Kərbəlada zəvvarlara xidmət edəcək. Bu barədə İmam Hüseyn (ə) və Həzrə Əbəlfəzl (ə) hərəminin mokiblər üzrə katibliyinin sədr müavini xəbər verib.
Haşim Əl-Musəvi  deyib ki, polis və hərəmin mokiblər idarəsində Kərbəlada zəvvarlara xidmət etmək üçün 10 min mokib  qeydiyyatdan keçib. 
“8800 mokib  yürüş boyunca müxtəlif şəhərlərdə və  Kərbəla əyalətinin daxilində  zəvvarların yemək-içmək və məskunlaşmasını təmin etmək üçün (pulsuz yemək və yatmaq üçün yer)  zəvvarlara xidmət göstərəcək.  12000 mokib isə əzadarlıq  mərasimi təşkil edəcək”. 
O deyib ki, xidmət qrupları  müctəhidlərin göstərişini və  koronavirusla bağlı Səhiyyə Nazirliyinin tələblərini  yerinə yetirir. 
Qeyd edək ki, Kərbəla şəhərindən kənar və  şəhərin daxilində Ərbəin zəvvarlarının təhlükəsizliyini təmin etmək üçün  könüllü qruplar və təhlükəsizlik qüvvələri birgə əməkdaşlıq edir. 
Məlumata görə, zəvvarlara xidmət göstərəcək xidmət qrupları Kərbəla əyaləti üzrə polis və təhlükəsizlik qüvvələrinin hazırladığı xüsusi təlimatları yerinə yetirməli və təhlükəsizliyin təmini üçün təhlükəsizlik qüvvələri ilə əməkdaşlıq etməlidir.
Qeyd edək ki, hər il İmam Hüseyn (ə) və Kərbəla şəhidlərinin 40 mərasimi - Ərbəin münasibətilə milyonlarla müsəlman Kərbəla şəhərinə piyada yürüş edir. Bu il Ərbəin miladi təqvim ilə 8 oktybar tarixinə təsadüf edir. Koronavirus səbəbiylə İraq hökuməti cari ildə digər ölkələrdən zəvvarların İraqa girişinə məhdudiyyət tətbiq edib. /3926544
Ad:
E-poçt:
* Comment:
* captcha: