په عراق کې د حسینی اربعیّن پياده روي وارمخکې پيل شوه (انځورونه)
ایکنا-(دعراق په بصرې ولایت کې په فاؤ سیمې کې واقع په ؛راس البیشه ؛ سیمې کې د حسینی اربعین د پیاده روئ درستورو ګډون کونکو د ؛له بحره تر نحره ؛ په شعار سره دغې دستورې وارمخکې پیل کړي دي.
ایکنا خبری اژانس د المربد له قوله راپور راکړ،د عراق دبصرې ولایت په فاؤ سیمې کې د راس البیشه سیمې یو شمیر ښاریزو د کربلا معلی په لور دحسینی اربعین لاریون پیل کړ. په دغو دستورو کې زیاتره ګډون کون:ي ځوانان دي.
ددغه ولولناک لاریون پيلیدا به په رسمي توګه څو ورځې وروسته د نجف اشرف دځينو مذهبی شخصیّتونو او حکومتي مسئولانو اود موکبونو دخاوندانو په شتون سره پیل شي.
له بل پلوه د بصرې ولایت دشمال په لور د فاؤ سړک په لاره کې دحسینی موکبونه هم جوړ شوي دي څو دحسینی زیارتوالو لپاره خواړۀ، دڅښاک شیان او د آرام لپاره مرکزونه برابر کړي. دغه لاریون له دولسو تر څوارلسو ورځو پورې اوږدیږي.
دعراق په واسط ولایت کې حکومتي مسئولانو وئيلي دي چې د اربعیّن د دستورو د امنیت د تامینولو ځانګړي کمیټې ، خپلې امنیتی ، روغتیائي او خدماتي کاري ډلې ئې ټاکلي دي او همداراز ددغه پلان د اجرا او پيلبیدا نیټه ئې هم ټاکلې ده .
ددغې کمیټې مشر محمد المیاحي ووئيل، ددغې کمیټې فعالیت به د ستمبر میاشتې له هماغه پیله ،یعني سر له سره نن پیل شي . هغه زیاته کړې ده، دغه تاریخ دایراني لوري په غږملتیا سره مشخص شوی او ټاکل شوې دا ده چې هره ورځ د مهران ،زرباطیه سرحدي لارو څخه کابو یو لک کسان عراق ته وارد شي.
