نجف اشرف؛ د رسول اکرم (ص) د وفات د کليزې مراسمو د ترسره کولو لپاره چمتو دی

ایکنا د نجف ښار د زاړې برخې ښاروالۍ د رسول اکرم (ص) د وفات د کليزې په مناسبت د زائرينو د هرکلي لپاره د خدمتي چمتووالي خبر ورکړ.

    ايکنانیوز د الصباح ورځپاڼې په حواله راپور راکړ، د نجف اشرف ښار د زاړې برخې ښاروال لقاء الزرفي وويل: دا مناسبت د ميليونونو زائرينو له ګډون سره د زيارتونو له جملې څخه دی، چې د عراق د بېلابېلو ولايتونو او همدارنګه د عربي او اسلامي هېوادونو زائرينو په پراخه ګډون سره ترسره کېږي.

هغه زياته کړه: تر ټولو زياته ګڼه ګوڼه به د ښار د زاړې برخې او د امام علي (ع) د حرم مطهر په شاوخوا کې وي، چيرته چې مسلمانان د دغې سترې غميزې په مناسبت د تسليت وړاندې کولو لپاره د دود له مخې ورځي.

الزرفي وويل، ښاروالۍ خپل ټول ځواکونه، چې له ۱۰۰ زيات کارکوونکي او خدمتګاران دي، د واټونو د پاکوالي او د  ګندونو  د  ټولولو لپاره د ۲۰ زياتو ځانګړو وسايلو او ماشينونو سره يوځای په کار ګمارلي دي. هغې ټينګار وکړ چې دا اقدامات د اربعين د زيارت په ترڅ کې د خدمت‌رسانۍ د بريالي پلان په دوام کې ترسره کېږي.

هغې دا هم روښانه کړه: په اوسني پلان کې، د نورو ولايتونو او سيمو د ښارواليو څخه مرستندويه ځواکونه هم د نجف د زاړې برخې د ښاروالۍ د مرستې لپاره په کار ګمارل شوي، ځکه چې د زائرينو شمېر به ډېر زيات وي.

الزرفي زياته کړه: د خدمتي او امنيتي ادارو سره دوامداره همغږي روانه ده، څو د خلکو تګ راتګ په اسانه توګه ترسره شي او زائرينو ته غوره خدمتونه وړاندې شي.

https://iqna.ir/fa/news/4300536