Wanazuoni wa Hawza ya Qom walaani kauli za Trump

IQNA – Kauli za kubeza za mtawala wa Marekani Donald Trump kuhusu Kiongozi Muadhamu wa Mapinduzi ya Kiislamu, Ayatullah Sayyid Ali Khamenei, zimezua lawama kali kutoka kwa Jumuiya ya Walimu wa Hawza (vyuo vya Kiislamu) katika mji mtakatifu wa Qom nchini Iran.

Siku ya Jumanne, Jumuiya ya Walimu wa Hawza ya Qom ilitoa taarifa ikilaani vikali matamshi ya kukera yaliyotolewa na rais wa Marekani, na kumtaja Trump kuwa ni “Firauni anayetawala Marekani.”

Taarifa hiyo ilisisitiza kuwa kauli za Trump dhidi ya Ayatollah Khamenei zinatokana na tabia yake ovu na duni kimaadili.

Jumuiya hiyo pia ilibainisha kuwa matamshi hayo yanaakisi kwa wakati mmoja kiburi na majivuno ya Trump, pamoja na udhaifu na kushindwa kwake mbele ya msimamo thabiti na usiotetereka wa taifa la Kiislamu la Iran.

Habari  inayohusiana:

• Nujaba ya Iraq Yasema Tishio Lolote Dhidi ya Kiongozi wa Mapinduzi ya Kiislamu ni Tangazo la Vita

Taarifa hiyo ililaani kauli zisizo na msingi za rais wa Marekani, na kusisitiza kuwa haitakaa kimya mbele ya matusi au ukiukwaji wowote dhidi ya nafasi tukufu ya Kiongozi wa Mapinduzi ya Kiislamu.

3496130