مسلمانوں کے درمیان تفرقہ اندازی مسئلہ قدس کی فراموشی کا باعث بنے گی : عبدالحفیظ داؤود
بین الاقوامی گروپ : اردن کے وزیر اوقاف و مذہبی امور نے تہران میں جاری بین الاقوامی وحدت اسلامی کانفرنس کے دوران زور دیا : امت اسلامیہ کے درمیان بڑھتے ہوئے اختلافات اور فرقہ واریت جسیے مسائل مسجد اقصی اور قدس کی آزادی کو ہم سے دور کر دیں گے اسلیے ہمیں مسئلہ قدس کی طرف توجہ مبذول کرتے ہوئے باہمی اختلافات کو ختم کرنے کی کوشش کرنی چاہیئے ۔
تہران میں جاری بین الاقوامی وحدت اسلامی کانفرنس سے ایران کی قرآنی خبر رساں ایجنسی (ایکنا) کے نمائندے کی رپورٹ کے مطابق آج ۱۷ جنوری کو اردن کے وزیر اوقاف و مذہبی امور "ھایل عبد الحفیظ داؤود" نے کانفرنس کے دوران اپنے خطاب میں کہا : فرقہ واریت عصر حاضر میں عالم اسلام کو درپیش ان اہم ترین مشکلات میں سے ہے جو دشمنوں کی سازشوں کو عملی کرنے میں مدد کر رہا ہے ۔
انہوں نے مزید کہا : آج بیت المقدس اور مسجد الاقصی مسلمانوں کو آوازیں دے رہے ہیں اور اس بنا پر ہم تمام مسلمانوں کو متحد اور اختلاف کو ایک طرف رکھ کر مسلمانوں کے ان تاریخی مذہبی مقدس مقامات کی حفاظت کے لیے اقدام کرنا چاہیئے ۔
1359991
نظرات بینندگان
