مسلم ممالک اسرائیل کو تسلیم کرنے اور سفارتکاری کے فیصلے واپس لے لیں۔ قائد ایوان راجہ ظفر الحق
بین الاقوامی گروپ:عالمی میڈیا اسرائیل کے دباوکی وجہ سے غزہ کی اصل صورتحال نہیں دکھا رہاہے
ایکنا نیوز-سینٹ میں قائد ایوان راجہ ظفر الحق نے کہا ہے کہ مسلم ممالک اسرائیل کو تسلیم کرنے اور سفارتکاری کے فیصلے واپس لے لیں۔ نجی ٹی وی کے مطابق تحقیقی ادارہ مسلم انسٹیٹیوٹ اور موتمر العالم الاسلامی کے زیراہتمام خطاب کرتے ہوئے انہوں نے کہا: عالمی میڈیا اسرائیل کے دباوکی وجہ سے غزہ کی اصل صورتحال نہیں دکھا رہا ہے۔ اس موقع پر سابق چیف آف آرمی سٹاف جنرل (ر) مرزا اسلم بیگ نے کہا کہ بے انتہا ظلم اور بربریت کے باوجود اسرائیل حماس کا کمانڈ اینڈ کنٹرول سسٹم تباہ کرنے میں ناکام رہاہے اسلئے اب وہ شکست سے بچنے کے لیے امن مذاکرات کی جانب آئیگا۔ پاکستان میں فلسطینی سفیر ولید ابو علی نے کہا کہ ہم ایک مضبوط پاکستان دیکھنا چاہتے ہیں جو فلسطینیوں کی بھرپور مدد کر سکے ۔ انہوں نے کہا کہ ویسٹ بینک اور غزہ کے درمیان کوئی جغرافیائی رابطہ نہیں اور اسرائیل چاہتا ہے، ان دونوں کو مکمل طور پر علیحدہ کیا جائے بلکہ فلسطین کو دنیا کے نقشے سے ہی ختم کر دیاجائے۔
نظرات بینندگان
