یمن کا بحران: سعودی طیارے مار گرائے گئے
ایکنا نیوز- ایران ریڈیو- یمن کی السعید ویب سائیٹ نے رپورٹ دی ہے کہ یمن کے انقلابیوں نے ہفتے کو آل سعود کے دو جارح طیاروں کو مار گرایا ہے۔ ادھر سعودی بادشاہ نے امریکی صدر اوباما سے فون پر رابطہ کرکے دو سعودی پائلٹوں کی جان بچانے پر امریکی بحریہ کا شکریہ ادا کیا ہے۔ سعودی بادشاہ کی جانب سے امریکیوں کا شکریہ ادا کرنا دراصل اس بات کا اعتراف ہے کہ اسکے دو جارح طیارے مار گرائے گئے ہیں۔ اس سے قبل آل سعود کے ذرایع ابلاغ نے ان خبروں کی تردید کی تھی کہ سعودی عرب کے دو لڑاکا طیارے مارے گرائے گئے ہیں۔ جمعرات کے دن یمنی میڈیا نے رپورٹ دی تھی کہ آل سعود کے جارح اتحاد کا ایک ڈرون طیارہ مار گرایا گیا ہے جو جاسوسی کررہا تھا۔ قابل ذکرہے سعودی عرب نے اپنے بعض عرب پٹھو ممالک کے ہمراہ جمعرات کی رات سے یمن پر حملے شروع کئے ہیں۔ آل سعود کی جارحیت میں درجنوں یمنی باشندے شہید ہوئے ہیں جبکہ سیکڑوں کے زخمی ہونے کی خبر ہے- مبصرین کا کہنا ہے کہ یمن میں سعودی عرب کی مداخلت سے بحران مزید پیچیدہ ہوجائے گا۔ یمن میں عوامی تحریک انصار اللہ عوامی کی حمایت سے انقلاب کو آگے بڑھا رہی ہے۔
