'الباکستانیوں نے شام و عراق پر داعش کے حملوں اور قبضے پر آج تک احتجاج نہ کیا'

بین الاقوامی گروپ:مشہور ادیب و شاعر انور مسعود نے شام و عراق کی صورتحال پر تبصرہ کرتے ہوئے کہا ہے کہ الباکستانیوں نے شام و عراق پر داعش کے حملوں اور قبضے پر آج تک احتجاج نہ کیا لیکن جب داعش کو شامی اور عراقی فوج کی جانب سے لتر پڑے تو آہ و بکا شروع کردی

ایکنا نیوز- شفقنا- پاکستان کے مشہور ادیب و شاعر انور مسعود نے شام و عراق کی صورتحال پر تبصرہ کرتے ہوئے کہا ہے کہ الباکستانیوں نے شام و عراق پر داعش کے حملوں اور قبضے پر آج تک احتجاج نہ کیا لیکن جب داعش کو شامی اور عراقی فوج کی جانب سے لتر پڑے تو آہ و بکا شروع کردی۔

انہوں نے مزید کہا کہ سوشل میڈیا پر حلب کے نام سے جو تصویریں گردش کررہی ہیں، ان میں زیادہ تصویریں فلسطین میں اسرائیلی مظالم کی ہیں یا شام میں داعش کی بربریت کی۔

واضح رہے کہ چند روز پہلے شامی فوج نے حلب کو دہشتگردوں کے چنگل سے آزاد کرایا تھا جس کے بعد مغربی میڈیا اور ان کے حواریوں نے میڈیا پر پراپگنڈا شروع کر دیا تھا۔ لوگوں کو اکسایا گیا کہ حلب کے لوگوں کی مدد کو نکلیں کہ شامی فوج لوگوں کا قتل عام کر رہی ہے جو حقیقت کے برعکس تھا۔ افسوس کا مقام یہ ہے کہ اخبارات میں دہشت گرد تنظیمون کے بیانات چاپے گیے جنمیں کھلے عام قتل و فساد کی دعوت دی جارہی ہے۔