جامعہ حضرت زینب (س) اعظم گڈھ کی طالبہ نے تعلیمی میدان میں قوم کا نام روشن کیا

تہران ایکنا: حوزہ/ جامعہ حضرت زینب (س) کی ہونہار طالبہ تائید زہرا کے عالم میں ٹاپ کرنے پر لکھنو میں اعزاز و ایوارڈ سے نوازا گیا۔

حوزہ نیوز ایجنسی کی رپورٹ کے مطابق،جامعہ حضرت زینب (س) کی طالبہ تائید زہرا مبارکپور اعظم گڈھ کی رہنے والی ہے جس نے پورے اتر پردیش صوبے میں عالم کے امتحان میں پہلا مقام حاصل کر کے ایک مثال پیش کی ہے جو کہ دوسری لڑکیوں کے لئے آیڈیل اور مشعل راہ ہے۔

اس امتیازی مقام کی وجہ سے اتر پردیش کے وزیر اعلی نے ایک لاکھ کے نفیس چک سے نوازا اور ساتھ میں امتیازی میڈل اور ایوارڈ سے بھی نوازا گیا۔

اس خوشی کے موقع پر جامعہ حضرت زینب (س) کے مینیجر مولانا سید محمد مھدی بھی موجود تھے جو مدرسہ کے تعلیمی معیار کو بہتر سے بہتر کرنے کی ہر ممکنہ کوشش کرتے رہتے ہیں پروگرام کے آخر میں سب نے مدرسہ کی فلاح و بہبود کے لیۓ دعا کی۔