ایرانی سفیر اور امیر جماعت اسلامی پاکستان میں اہم ملاقات

ایکنا تھران: امریکی ڈالر سے نجات اور پاک سعودی تعلقات میں بہتری سمیت اہم امور پر تبادلہ خیال کیا گیا۔

ایکنا نیوز کے مطابق امیر جماعت اسلامی سراج الحق سے اسلامی جمہوریہ ایران کے سفیر محمد علی حسینی نے ملاقات کی, ہے اور ملاقات کے دوران پاک ایران تعلقات اور باہمی دلچسپی کے امور پر تبادلہ خیال کیا گیا۔

ایرانی سفیر نے اس موقع پر سراج الحق کو دورہ ایران کی دعوت دی جسے انھوں نے قبول کر لیا.سراج الحق نے ایران اور سعودی عرب کے درمیان تعلقات کی بحالی پر خوشی اور اطمینان کا اظہار کرتے ہوئے کہا کہ امت مسلمہ کو مزید مضبوط کرنے اور باہمی تعاون بڑھانے کی ضرورت ہے، انھوں نے امریکی ڈالر سے نجات کےلیے ریجنل کرنسی متعارف کروانے کی تجویز پیش کی، جبکہ پاک ایران بارڈر تجارت اور آمدورفت کےلیے تمام آسانیاں فراہم کرنے کی ضرورت پر زور دیا

ایرانی سفیر محمد علی حسینی نے دوران ملاقات جماعت اسلامی کی پاکستان اور عالم اسلام کے لیے گرانقدر خدمات کو سراہا۔ ان کا کہنا تھا کہ پاکستان میں معاشی ترقی کے لیے استحکام کی ضرورت ہے۔ سیاسی انتشار کی وجہ سے پاکستان معاشی عدم استحکام کا شکار ہو سکتا ہے۔ انھوں نے ایران کی طرف سے ہر ممکن تعاون کا یقین دلایا.