«قرآن سننے کی مجلس» مصلی تھران میں منعقد+ ویڈیو
ایکنا نیوز- یہ الفاظ مجاہد امام اور شہید رہبر حضرت آیت اللہ العظمیٰ سید علی خامنہای کے ارشادات کا حصہ ہیں۔
شہید رہبر امامِ مجاہد سید علی خامنہای کے ساتھ تہران میں منعقد ہونے والی شب و روزِ وداع کے موقع پر، ملک کے ممتاز قراء کرام اور حفاظِ قرآن نے اپنے مرشد و رہبر کی ہدایات کی پاسداری کرتے ہوئے محفلِ انس و استماعِ قرآن کا انعقاد کیا۔
مصلیٰ امام خمینیؒ کا مرکزی صحن ایران کے مختلف شہروں اور حتیٰ کہ دیگر ممالک سے آنے والے لاکھوں مہمانوں کی میزبانی کر رہا ہے۔ عزاداروں کے ہاتھوں میں سرخ حسینی پرچم لہرا رہے ہیں، جبکہ وہ محراب جسے برسوں رہبر انقلاب کی موجودگی کا شرف حاصل رہا، آج ان کے جسدِ مطہر کو اپنے دامن میں لیے ہوئے ہے۔
اسی روحانی اور باوقار ماحول میں، امام راحل کے مصلیٰ کے مرکزی شبستان میں قراء کرام نے وداع کے پہلے دن کی صبح سے لے کر آج رات 8 بجے تک مسلسل تلاوتِ قرآن کا اہتمام کیا ہے تاکہ اللہ تعالیٰ کی توفیق سے قرآنِ کریم کا ختم مکمل کرکے اس کا ثواب شہید امام اور ان کے اہلِ خانہ کے شہداء کی ارواحِ طیبہ کو ہدیہ کیا جا سکے۔
اس پورے ختمِ قرآن کی ویڈیو ریکارڈنگ کی گئی، جبکہ اس کے بعض حصے براہِ راست پاکستانی وقت کے مطابق بھی نشر کیے گئے اور انہیں ایران کے سرکاری قرآن و معارف ٹی وی چینل سے لائیو دکھایا گیا۔/
4362285
