په ۲۰۲۵ کال کې د عربستان د قرآن د چاپ له کمپلیکس څخه د حاجیانو میلیوني لیدنه

ایکنا -د سعودي عربستان د «ملک فهد» د قرآن کریم د چاپ کمپلیکس په ۲۰۲۵ کال کې د دې هېواد له داخل  او بهر څخه د کابو  یو میلیون لیدونکو کوربه‌توب کړی دی.

  ایکنانیوز  د «عاجل» په حواله راپور راکوي، دا خپرندویه یا کمپلیکس  د مدینې منورې د  حاجیانو او زیارتوالو  له مهمو مقاصدو څخه ده، او په ۲۰۲۵ کال کې نږدې یو میلیون زیارتوالو ترې لیدنه کړې ده.

لیدونکو په دې کمپلیکس کې د قرآن کریم د خدمت، چاپ او په بېلابېلو نړیوالو ژبو د هغه د خپرولو په برخه کې د سعودي عربستان له هڅو سره آشنا شوي دی.

دا پراخ هرکلی د سعودي عربستان د پاچاهۍ له‌خوا د قرآني فعالیتونو د ملاتړ او پاملرنې، او همدارنګه په دې برخه کې د بشري او تخنیکي وړتیاوو د کارولو پایله ده، چې د اسلام او مسلمانانو د خدمت او د مینځلاریتوب د خپرولو لپاره د دې هېواد هڅې ښئي.

د ملک فهد د قرآن کریم مجمع   یا کمپلیکس د اسلامي نړۍ له تر ټولو مهمو بنسټونو څخه دی، چې تر اوسه ئې له ۱۲ میلیونو څخه زیات د قرآن کریم نسخې او د هغه ژباړې په بېلابېلو ژبو تولید کړې دي. همدارنګه ئې د قرآن ډیجیټلي او غږیزې نسخې د برېښنايي بسترونو او هوښیار اپلیکیشنونو له لارې د مینه‌والو په واک کې ورکړي دي.

دا مجمع د قرآن کریم د چاپ او وېش تر ټولو لوی مرکز دی، چې د ۱۹۸۴ کال د اکتوبر په ۳۰مه په مدینه منوره کې پرانیستل شو.

دا بنسټ د سعودي عربستان له مهمو معاصرو فرهنګي او دیني مرکزونو څخه شمېرل کېږي، چې د نړۍ په کچه، په ځانګړي ډول په اسلامي هېوادونو کې، د قرآن کریم د کره نسخو د چاپ او وېش په برخه کې یې مهم رول لوبولی دی.

د دې مرکز اساسي مأموریت د قرآن کریم د هغو متواترو روایتونو چاپ او وېش دی، چې د اسلامي علماوو او د قرآني علومو د پوهانو له‌خوا تأیید شوي دي. د خطاط له‌خوا د لومړنیو نسخو له چمتو کېدو وروسته، متن په ډېر دقت سره، حرف په حرف او کلمه په کلمه، ارزول کېږي او له تأیید شوې بېلګې سره پرتله کېږي. دا ارزونه د «د قرآن د نسخو د تطبیق او ارزونې علمي کمېټې» له‌خوا ترسره کېږي، او په دې لړ کې د اسلامي نړۍ د نامتو قاریانو ثبت شوې تلاوتونه هم کارول کېږي.

د چاپ د څارنې سیستم هم څو پړاوونه لري، چې تر لومړني کنټرول سربېره، د چاپ پر مهال څارنه او د وروستیو بېلګو ارزونه هم پکې شامله ده.

https://iqna.ir/fa/news/4327313