په روان کال کې څه د پاسه څلورمیلیون افغانان بیړنیوسرپناه ځایونو او لومړنیو شیانو ته اړتیالري

ایکنا- د ملګرو ملتو د بشري هستوګنې پروګرام «یو ان هبیتات» وايي، په روان ۲۰۲۶ کال کې ۴.۲ میلیونه افغانان بېړنۍ سرپناه او غیرخوراکي توکو ته اړتیا لري.

ایکنانیوز د صدای وسیما د خبري آژانس له قوله راپور راکړی،دغې موسیسې د  وري د میاشتې په  ۳۱   پر اېکس پاڼه لیکلي چې نړیوال د آذربایجان  جمهوریت په باکو ښار کې د مسکن په اړه د خبرو په حال کې دي، خو د افغان کورنیو لپاره دغه اړتیا بېړنۍ ده.

د ملګرو ملتونو د بشري هستوګنې پروګرام زیاته کړې چې دا اوس باید د ټولو لپاره د مناسب کور د تضمین لپاره اقدام وشي.

تر دې وړاندې د ملګروملتونو د بشري مرستو د همغږۍ ادارې اوچا ویلي وو، روان میلادي کال کې شاوخوا څلور میلیونه او ۲۰۰زره افغانان د سرپناه د برابرولو په برخه کې مرستو ته اړتیا لري.

د اوچا په وینا، دغه اړتیا د طبیعي پېښو د زیاتېدو، له ګاونډیو هېوادونو د کډوالو د بېرته راستنېدو او د اقتصادي ستونزو له امله رامنځته شوې ده.

د یاد دفتر په وینا، په دې وروستیو کلونو کې سېلابونو، زلزلو او وچکالۍ د زرګونو کورنیو کورونه ویجاړ کړي دي.

https://www.iribnews.ir/fa/news/5769130