Malaysia Yajitolea Kukuza Elimu ya Qur'ani Tukufu: Waziri wa Masuala ya Kidini

IQNA - Waziri wa masuala ya kidini wa Malaysia alisisitiza dhamira ya nchi yake katika kuendeleza elimu ya Qur'ani na kuhifadhi Qur'ani.

Mohd Na’im Mokhtar amesema, tangu uhuru wake, Malaysia imekuwa na dhamira ya dhati ya kuimarisha Tahfiz (kuhifadhi), usomaji wa Qur’ani na elimu ya Qur’ani kupitia taasisi mbalimbali za kibinafsi na za serikali, ikiwa ni pamoja na kuanzisha vituo vya Dar-ul-Quran. 

Aliyasema hayo wakati wa ziara ya imamu wa Kituo cha Kiislamu cha Al-Azhar cha Misri Sheikh Ahmed al-Tayeb katika Kituo cha Dar-ul-Qur'ani Tukufu huko Kuala Kubu Bharu siku ya Jumatano.

Na’im Mokhtar aliongeza kuwa tangu kuanzishwa kwake mwaka 1966, Kituo cha Dar-ul-Quran huko Kuala Kubu Bharu kimekuwa na nafasi kubwa katika kuhifadhi Qur’ani nchini Malaysia.

"Hadi sasa, imetoa zaidi ya wahitimu 11,000 ambao walikuwa na jukumu muhimu katika kuunda shakhsia ya Ummah na wakati huo huo kuhimiza maendeleo ya elimu ya kukariri nchini," alisema.

"Hata katika ngazi ya elimu ya juu, kuhifadhi Qur'ani kumeanzishwa kama moja ya fani za masomo na kama nyongeza ya thamani ya masomo ya kitaaluma."

Mafanikio ya Qur'ani Tukufu ya Malaysia Yameonyeshwa Kando ya MTHQA ya 62
Aliendelea kusema kuwa kuunganishwa kwa vipengele vya elimu ya Qur'ani na fani nyinginezo kunaweza kuzalisha jumla ya wahifadhi wa Qur'ani ambao ni wakubwa wa fani nyinginezo za elimu na baadae kuunda uwiano wa ustawi wa kidunia na kiroho.

Sheikh Al-Tayeb yuko katika ziara ya siku nne nchini Malaysia kwa mwaliko wa Waziri Mkuu wa nchi hiyo ya Kusini Mashariki mwa Asia Anwar Ibrahim.

3488991