Operesheni ya usafi yafanyika katika Haram Takatifu ya Imam Ridha (AS) wakati wa Wiki ya Karamat

IQNA – Operesheni maalumu ya usafi imefanyika katika haram takatifu ya Imam Ridha (AS) huko Mashhad, kaskazini mashariki mwa Iran, siku ya Jumamosi, kabla ya kumbukumbu ya kuzaliwa kwa Imam huyo wa nane wa Waislamu wa madhehebu ya Shia.

Kikundi cha watumishi kutoka sehemu ya  kundi la “Kioo cha Rezvan” wamesafisha na kung’arisha sehemu mbalimbali za haram takatifu, amesema afisa mwandamizi wa Idara ya Mfawidhi wa Haram ya Imam Ridha (AS) ambayo ni maarufu kama Astane Quds Razavi.

Katika hafla hii ya kiroho, sehemu mbalimbali za haram takatifu, na Rawaq (kumbi zilizoambatanishwa na haram) ziliandaliwa kuwakaribisha mamilioni ya wafanyaziara wakati wa Wiki ya Karamat, Amin Behnam alisema.

Zaidi ya hayo, wafanyakazi wa sehemu ya Kioo cha Rezvan walisafisha na kung’arisha kizimba cha fedha cha Rawaq ya Hazrat Masoumah (SA), wakiambatana na nyimbo za ibada na visomo, alieleza.

Operesheni hii ilifanyika kwa heshima ya hadhi ya Imam Ridha (AS) na kwa ajili ya kuhifadhi urembo wa kimacho na wa kiroho wa haram takatifu, na ikaleta hali ya kipekee ya utukufu katika eneo hilo lenye nuru, aliendelea kusema.

Wiki ya Karamat huadhimisha siku za kuzaliwa kwa Hazrat Masoumah (SA), ambaye Haram yake iko katika mji wa Qum na Imam Ridha (AS), ambazo mwaka huu zinaangukia Aprili 29 na Mei 9, mtawalia. Ni wakati wa Ziyara, sherehe, na matukio ya kitamaduni, hasa katika miji kama Mashhad na Qom.

3492930