نجف اشرف میں شہید عالم دین کا جلوس جنازہ
بین الاقوامی گروپ:حضرت امام علی علیہ السلام کے حرم مطہر کے زائرین اور مجاورین نے گزشتہ روز امام علی (ع) بٹالین کے ایک شہید کا جلوس جنازہ نکال گیا جو اسلامی مقدسات کی حفاظت میں داعش کے ہاتھوں شہید ہوا۔
ایکنا نیوز-شفقنا-آیت اللہ العظمیٰ سیستانی کی جانب سے داعش کے خلاف جہاد کفائی کے دئے گیے فتوے پر لبیک کہتے ہوئے شیخ حیدر مہدی العامری نے امام علی (ع) بٹالین نامی رضاکار فورس میں شمولیت اختیار کی اور مختصر ٹریننگ حاصل کرنے کے بعد داعش کے ساتھ لڑنے کے لیے صوبہ کرکوک کا رخ کیا جہاں انہوں نے جام شہادت نوش کرلیا۔
اس شہید کے جلوس جنازہ جو گزشتہ روز اتوار کو نجف اشرف میں نکالا گیا میں حرم مطہر کے متولی حجت الاسلام و المسلمین حبل المتین اور دیگر علماء و فضلا نے شرکت کی۔
تشییع جنازہ کے بعد شہید پر حرم مطہر میں نماز جنازہ ادا کی گئی جبکہ وادی السلام میں تدفین کے مراسم انجام دئے گئے۔
