صہیونی پالیسی سازی میں خاخاموں کا کردار

ایکنا: خاخاموں کا اثر و رسوخ صہیونی سیاسی طاقت کی علامت ہے اور یہی چیز اسرائیل پالیسی کو ہدایت کرتی ہے۔

ایکنا نیوز، الجزیرہ ویب سائٹ نے اپنی ایک رپورٹ میں مقبوضہ علاقوں میں صہیونی خاخاموں کے عروج، ان کی طاقت اور اس خطے کی قسمت کے تعین میں ان کے اثر و رسوخ کا جائزہ لیا ہے۔

بڑھتا ہوا اثر و رسوخ

برطانوی مصنف جاناتھن کوک نے اپنے مضمون "اسرائیل میں خاخاموں کی طاقت اور مقدس جنگ" میں لکھا ہے کہ ڈیوڈ بن گوریون نے آرتھوڈوکس یہودی خاخاموں کو ذاتی اور عوامی معاملات میں وسیع اختیارات دیے، اور فوجی دینی مدارس کے ذریعے ان کا کردار نوجوانوں کو مذہبی جوش و خروش کے لیے متحرک کرنے میں مضبوط کیا۔

درحقیقت، دینی مدارس (یشیوات) تلمودی اقدار کو پھیلانے میں اہم کردار ادا کرتے ہیں۔

"مها شاهوان" نے اپنے مضمون "خاخام، اسرائیل میں بادشاہی کے بانی" میں لکھا کہ اگر ہم یہ سمجھنا چاہیں کہ مذہبی صہیونیت اور خاخام آج کے اسرائیل میں ایک مضبوط اور گہری جڑوں والی قوت کے طور پر کیسے اثر انداز ہو رہے ہیں، تو یہ ان کے سیاست، میڈیا، عدلیہ اور سلامتی کے اداروں پر غلبے سے واضح ہے۔

مصنف کے مطابق، یہ اثر و رسوخ مذہبی صہیونیت کی سمت میں ایک بڑی تبدیلی کی عکاسی کرتا ہے، جو کہ مذہبی قوانین سے ہٹ کر قوم پرستی اور سیاسی سرگرمیوں کی طرف مڑ چکی ہے۔

آج نیتن یاہو کا اتحاد اسموتریچ اور بن گویر کے ساتھ، جو مذہبی صہیونی تحریک کے دو ستون اور خاخاموں کے پیروکار ہیں، ان کے اس مسلسل دباؤ کا نتیجہ ہے جس کا مقصد غزہ کے لوگوں کی جبری ہجرت اور اس خطے پر دوبارہ قبضہ ہے۔ یہی دباؤ اسرائیل کی غزہ میں جاری طویل ترین جنگوں میں سے ایک کا سبب بنا، جو ایک سال سے زیادہ جاری ہے۔

 

_{خاخام آهارون یهودا اشتایمن} 

 

مزید یہ کہ مسجد الاقصیٰ پر بار بار حملے، بن گویر کی نگرانی میں مغربی کنارے کی صہیونی بستیوں میں اسرائیلیوں کو مسلح کرنے کی رفتار تیز کرنا، اور ان کے (خصوصاً اسموتریچ کے) کھلے بیانات  جیسے کہ گریٹر اسرائیل کا خواب جس میں دمشق کو یروشلم کا حصہ بنایا جائے، اردن کو اسرائیل میں شامل کیا جائے، اور مسجد الاقصیٰ کی جگہ ہیکل کا معبد تعمیر کیا جائے ، ان کے اقدامات میں شامل ہیں۔

ان تمام وجوہات کی بنا پر، اسرائیل میں خاخامی ادارے، جیسے کہ "مرکزِ عظیم خاخامی" جو 1921 میں اسحاق کوک کے ذریعے برطانوی سرپرستی میں قائم ہوا، ایک زبردست روحانی طاقت بن چکے ہیں جو فتویٰ جاری کرتے ہیں اور آرتھوڈوکس یہودی نظریے کی بنیاد پر یہودی شناخت کا تعین کرتے ہیں۔

 

اس میں کوئی شک نہیں کہ خاخاموں کے بڑھتے ہوئے اثر و رسوخ نے مذہبی صہیونیت کو ایک سیاسی و سماجی طاقت میں بدل دیا ہے، اور خاخام اپنے کردار کو معاشرے کو متحرک کرنے اور اسرائیل کی قابضانہ پالیسیوں کو جائز قرار دینے کے لیے استعمال کر رہے ہیں۔

خاخام شموئل الیاهو نے بھی ایک فتویٰ جاری کیا جس میں غزہ کی عورتوں اور بچوں کو قتل کرنے کو جائز قرار دیا اور کہا کہ "یہودی قانون اور اخلاقیات اس کی ممانعت نہیں کرتے"؛ اس نے اس فتویٰ کو "دشمن کے خاتمے" کے تناظر میں بیان کیا۔/

4278394