ھالینڈ میں غزه مظالم کی تصاویر نمائش
ایکنا نیوز، فلسطین انفارمیشن سینٹر نے رپورٹ دی ہے کہ عرب اور ڈچ امن کارکنوں نے ایمسٹرڈیم کے مرکزی میٹرو اسٹیشن میں جمع ہوکر غزہ میں صہیونی ریاست کے جرائم کی مذمت کی۔
یہ احتجاجی اجتماع ایک خاموش نمائش کے ساتھ منسلک تھا جس میں غزہ کے نہتے شہریوں پر قابض فوج کے قتلِ عام، بمباری اور حملوں کی تصاویر اور مناظر پیش کیے گئے۔ نمائش کا ایک حصہ غزہ کے عوام کی بھوک اور اسرائیلی نسل کشی کے واقعات کو اجاگر کرنے کے لیے وقف تھا۔
مظاہرین نے فلسطین کی آزادی کے حق میں نعرے لگائے اور ہالینڈ کی حکومت سے اسرائیل کے لیے سرکاری حمایت ختم کرنے کا مطالبہ کیا۔
دارالحکومت ایمسٹرڈیم اور ہالینڈ کے دیگر شہروں میں گزشتہ کئی ماہ کے دوران بارہا جنگ مخالف مظاہرے اور اجتماعات منعقد ہوئے ہیں، جن میں شرکاء نے جنگ کے خاتمے، غزہ کی غیرقانونی ناکہ بندی ختم کرنے اور حکومت کی جانب سے عملی اقدامات، بشمول اسرائیل سے تعلقات منقطع کرنے کا مطالبہ کیا ہے۔
یہ احتجاجات ایسے وقت میں جاری ہیں جب ہالینڈ کے وزیر خارجہ کے استعفے کے ایک روز بعد، جماعت "نیو سوشل کنٹریکٹ" کے تمام وزراء نے بھی عبوری حکومت سے استعفیٰ دے دیا، جو کہ اسرائیل پر پابندیاں عائد کرنے میں ناکامی کے خلاف احتجاجی اقدام تھا۔/
4304573
