بین الحرمیّن او د لبیک یاحسین لبیک یازینب د فریاد او شعارونو انګازې
ایکنا د الفرات نیوز له قوله راپور ارکړ، هغه میلیونونو حسینی زیارتوال چې له تیرو څو اونیو او شپو ورځو راهسې دعراق له ګوټ ګوټه او د مځکې له بل هر ګوټه ئې ځانونه د کربلا معلی ټاټوبی ته رسولي دي،بیګا او نن ورځ ئې په حرمینو او بین الحرمیّن کې په یوه غږ او ځوږ سره د لبیک یاحسین چغې پورته کړې او دنیا ته ئې وښودله چې حسیني لښکر هر وخت تیار دی.
راپورونه ښئ چې په میلیونونو حسینی زیارتوال له پرون ناوخت راهسې تر نن اربعین ورځې پورې د سید الشهدا د سپيڅلي حرم په شاوخوا کې او علمدار کربلا په سپيڅلي حرم کې ویر او ماتم کوي او له اهل بیت علیهم السلام سره خپله مینه او عشق نندارې ته وړاندې کوي.دا هغه عشق او مینه ده چې په میلیونونو مینه وال او عاشقان ئې د مځکې له ګوټ ګوټه دغه مقدس ټاټوبی ته رسولي دي او په یوه واحد ورک شوي شي پسې دي چې له اهل بیت علیهم السلام سره مینه اوعشق دی
د ایکنا خبری آژانس درست کارکونکي په دې مناسبت د نړۍ درستو پتمنو او داهل بیت علیهم السلام مینه والو ته د زړه له کومې تسلیّت وړاندې کو
