په پاکستان کې د انجونو د نعت‌خوانۍ سیالي ترسره شوه

ایکنا -  د پاکستان د  خیبر پختونخواه صوبې په مرکز  پېښور  کې د ایران کلتوری  چارو خونې  د دیني شعایرو د درناوي او د اسلامي اصیل هنر د هڅونې په موخې سره ، د ځوان نسل لپاره په  دوهم کال کې د میرمنو د نعت‌خوانۍ ځانګړې سیالي د  سلواغې  په ۲۳مه نېټه په خیبرپښتونخواصوبې کې ترسره کړه.

د راپور له مخې، دغه سیالي په دوو عمرې کټګوریو کې ترسره شوه: له ۸ تر ۱۶ کلونو او له ۱۷ تر ۲۵ کلونو پورې عمر لرونکي  انجونې .

دا پروګرام د دارالتبلیغ الاسلام ادارې (چې په پېښور کې له پخوانیو دیني ولسي بنسټونو څخه ده)، مشرق ټیلویژن او د خیبرپښتونخوا د نعت اکاډمۍ په همکارۍ ترسره شو.

دغه سیالي یوه میاشت مخکې د مشرق ټیلویژن له لارې د اعلانونو په خپرولو او د نعت‌خوانو څخه د مجازي بڼې د اثارو د لېږلو په غوښتنې پیل شوه. له دې ډلې څخه ۳۲ تنه د وروستي پړاو لپاره وټاکل شول او د ایران فرهنګي کور کې ئې سیالي وکړه. دغه مراسم په بشپړ ډول د شرعي  اصولو په اساس ترسره شول او د پروګرام ټول پړاوونه، له اجرا څخه تر قضاؤت پورې، د مېرمنو له لورې پر مخ یوړل شول.

په پاي کې تنظیموونکو او مسؤلانو د جایزو او ستاینلیکونو د وېش لپاره ګډون وکړ، چې دا کار د دیني ارزښتونو او د مذهبي محافلو د حرمت ساتنې ښکاره نښه وه.

د خیبرپښتونخوا ایالت د مذهبي چارو او اوقافو وزیر، سید پیرزاده محمد عدنان قادري، په  پېښور کې د ایران فرهنګي کور څخه په مننې سره وویل: ما پخپله په ځوانۍ کې د ایران د فرهنګي کور په بېلابېلو مراسمو کې ګډون کاوه؛ څو کاله وړاندې مې په یو  لړ دستورو کې جایزه هم ترلاسه کړه، چې هغه خاطره مې تل په یاد ده. د ایران فرهنګي کور د خیبر پختونخواه  صوبې د خلکو په فرهنګي او مذهبي حافظې کې لوړ مقام لري.

هغه زیاته کړه: د نعت له مهمو اړخونو څخه یو ئې هم پر ځوان نسل  اغېزې دی. نعت‌خواني د اسلامي او اخلاقي ارزښتونو د زده‌کړې یوه وسیله کېدالی شي. د پیغمبر اکرم(ص) د غوره صفتونو په اورېدو سره، ځوان نسل د ژوند لپاره بشپړ بیلګه مومي او د هغه د پیروۍ لپاره هڅول کېږي.

د پېښور د ایران د فرهنګي کور مسؤل، حسین چاقمي، هم په خپلو خبرو کې وویل: بې‌شکه میئندې د کورنۍ په مرکز کې د الهي رب نوم د ځلا څرګندونه کوي او د اولادونو د روزنې دنده لري. هر څومره چې مور د پیغمبر اکرم(ص) او اهل‌بیت(ع) له معرفت او مینې سره نږدې وي، هومره کورنۍ روښانه او الهی کېږي او ټولنې ته پاک، مؤمن او د پیغمبر او اهل‌بیتو مینه‌وال نسل وړاندې کوي.

هغه د ایران د اسلامي انقلاب د بریا  کلیزې په یادولو سره زیاته کړه: د ایران اسلامي انقلاب چې د قرآن کریم پر چورلیز او د رسول الله(ص) او اهل‌بیت (علیهم‌السلام) په سیرت په الهام  سره رامنځته شوی، سږ کال ئې د بریا ۴۷مه کلیزه ونمانځله. له دې کلونو وروسته، د ایران ملت او اسلامي امت یو ځل بیا د اسلامي انقلاب له آرمانونو، حضرت روح‌الله خمیني او سید علي خامنه‌ای سره خپل  بیعت نویی کړ.

چاقمي په دې په ټینګار سره چې د ایران اسلامي انقلاب له پیل څخه د ښځو، میئندو او کورنۍ پر مهم رول د ټولنې په اخلاقي بشپړتیا کې ټینګار کړی، وویل: نن سبا په ایران کې د نارینه وو په پرتله د ښځو د لوړو زده‌کړو فارغ التحصیلې  زیاتې دي او ښځې د سیاست، روغتیا، ورزش، علم، هنر او سینما په ډګرونو کې په ملي او نړیواله کچه فعاله ونډه لري.

https://iqna.ir/fa/news/4334469