Waislamu Waadhimisha Sherehe Phuket, Thailand

IQNA - Sherehe hiyo iliandaliwa tarehe 24-26 Januari na Kamati ya Kiislamu ya mkoa huo kwa lengo la kukuza maelewano ya amani katika jamii yenye tamaduni tofauti na kuheshimu ujumbe wa Mtume Mtukufu (SAW).

Hafla ya ufunguzi siku ya Ijumaa ilihudhuriwa na maafisa mashuhuri, wakiwemo Prasan Serichorn, mshauri wa Sheikh al-Islam wa Thailand, pamoja na wawakilishi kutoka mikoa mbalimbali ya nchi hiyo kama Surat Thani, Ranong, Krabi, Phang Nga, Trang, na Satun.

Komon Domlak, mkuu wa Kamati ya Kiislamu ya Phuket, alisisitiza katika hotuba yake kuwa tukio hilo liliandaliwa ili kuheshimu tabia ya Mtume Mtukufu (SAW) na kuhamasisha mshikamano katika jamii yenye tamaduni na mila mbalimbali.

Sirichorn, mwakilishi wa Sheikh al-Islam, alisema katika hotuba yake kwamba Mtume Muhammad (SAW) ni mfano wa kipekee kwa wanadamu wote, ambaye tunapaswa kumfuata katika nyanja zote za maisha binafsi na kijamii, ikiwa ni pamoja na uongozi wa serikali, usimamizi wa jamii, na uongozi wa familia.

Alirejelea pia mtindo wa uongozi wa Mtume (SAW) huko Madina, akiuonyesha kama mfano wa kujenga jamii iliyoungana na yenye tofauti mbalimbali kwa msingi wa uhuru wa kidini na kuimarisha jamii ya Kiislamu.

Sherehe hiyo ilijumuisha maonyesho mbalimbali, soko, na mihadhara ya kila siku juu ya mada za kidini na kiroho.

Thailand ni nchi iliyoko katikati ya rasi ya Indochina huko Kusini Mashariki mwa Asia.

Waislamu ni kundi la pili kwa ukubwa kidini nchini Thailand, wakifanya takriban asilimia tano ya idadi ya watu milioni 70 nchini humo.

3491629