Kituo kipya cha jumuiya ya waislamu Kimepangwa kufunguliwa karibu na chuo kikuu cha Minnesota

IQNA - Kituo kipya cha Jumuiya ya Waislamu, Salam Community, kinapangwa kufunguliwa karibu na West Bank ya Chuo Kikuu cha Minnesota ifikapo wiki ya kwanza ya Septemba. 

Mmoja wa waanzilishi wa kituo hicho, Shaykh Saifullah Muhammad, amethibitisha tarehe ya kufunguliwa, kufuatia kusainiwa kwa makubaliano ya ununuzi wa jengo hilo mnamo Januari. Jengo hilo kwa sasa linakaliwa na Corner Bar, kama ilivyoripotiwa na gazeti la The Minnesota Daily siku ya Jumatatu.

 Ununuzi huo, unaojumuisha baa hiyo na ghorofa mbili zilizo juu yake, unatarajiwa kukamilika ifikapo mwishoni mwa Machi. Jitihada za kukusanya fedha zinaendelea ili kusaidia ukarabati na matengenezo ya muda mrefu, alisema Muhammad.

 Chanzo cha mpango huu kilitokana na matukio ya maandamano ya msimu wa machipuko mwaka 2024, ambapo wanafunzi Waislamu walizuiwa kuingia katika Kituo cha Kitamaduni cha Al-Madinah (AMCC) kilichopo ndani ya jengo la Coffman Union. Chuo Kikuu kilikuwa kimefunga jengo hilo pamoja na mengine kwa sababu za usalama.

 Jumuiya ya Waislamu Minnesota Yakabiliana na Changamoto za Kuondoa Misahafu ya Zamani

 Muhammad, aliyeshiriki katika maandamano hayo, alieleza kuwa tukio hilo lilionyesha haja ya kuwa na nafasi huru kwa wanafunzi wa Kiislamu.

 Hatuna eneo maalum kabisa la Waislamu," alisema Muhammad. "Tunahitaji kituo ambapo wanafunzi wanaweza kuungana, kujisikia huru, na kushiriki katika shughuli za jumuiya yao."

 Kwa sasa, AMCC ndicho kituo kikuu kwa wanafunzi wa Kiislamu, lakini nafasi yake ndogo inawalazimu kufanya Swala ya Ijumaa katika basement ya Kanisa la Grace University Lutheran.

 Mwanachama mwanzilishi wa Salam Community, Mateen Ali, ambaye ni mhitimu wa chuo kikuu hicho, alisisitiza haja ya kuanzisha eneo ambapo wanafunzi wa Kiislamu wanaweza kutekeleza ibada zao kwa uhuru na kushirikiana kijamii.

 Kituo hicho chenye ghorofa tatu kitakuwa na:

Salam Coffee katika ghorofa ya chini,

Kituo cha vijana na sehemu ya swala katika ghorofa ya pili,

Seminari ya kufundisha viongozi wa Kiislamu wa siku za usoni katika ghorofa ya tatu.

 Makaburi ya Kwanza ya Kiislamu Minnesota Yaanza Kazi Baada ya Miaka ya Uharibifu na Migogoro ya Kisheria

 Salam Coffee, kinachotarajiwa kufunguliwa mapema majira ya kiangazi, kitatumika kama kituo cha ukaribisho kwa wanafunzi Waislamu na wasio Waislamu, kikitoa vyakula vya halal na kukuza mshikamano wa kijamii.

 "Lengo letu ni kuunda mazingira jumuishi ambapo wanafunzi wote watajisikia kukaribishwa," alisema Ali.

3491811