Washindi waenziwa katika Mashindano ya Kwanza ya Kitaifa ya Qur’ani ‘Zayin al-Aswat’ Mjini Qom

IQNA – Hafla ya kufunga mashindano ya kwanza ya kitaifa ya Qur’ani yenye jina “Zayen al-Aswat” (mapambo ya sauti) ilifanyika siku ya Alhamisi mjini Qom, ambapo washiriki bora walienziwa na kutunukiwa zawadi.

Tukio hili lilifanyika katika Ukumbi wa Imam Kazem uliopo katika Kituo cha Kitamaduni cha Ayatullah Makarem Shirazi. Liliandaliwa na Taasisi ya Al al-Bayt (AS) na kuhudhuriwa na maulamaa waandamizi, akiwemo Ayatullah Seyyed Jawad Shahrestani, mwakilishi wa Ayatullah Sistani nchini Iran, Ayatullah Alireza Arafi, mkurugenzi wa vyuo vya Kiislamu vya Iran, na Ayatullah Seyyed Hashem Hosseini Bushehri, kiongozi wa sala ya Ijumaa wa Qom.

Hafla ilianza kwa kisomo cha Qur’ani kutoka kwa Mohammadreza Haghighatfar, msomaji wa kimataifa wa Qur’ani kutoka Tehran ambaye pia alishinda nafasi ya kwanza katika mashindano haya. Baadaye, majina ya washindi katika kila kundi yalitangazwa.

Katika kundi la usomaji wa tahqiq, washindi watano wa juu walikuwa:

• Mohammadreza Haghighatfar (Tehran)

• Mohammadreza Zeinali (Isfahan)

• Masoud Mohahedi Rad (Khorasan Razavi)

• Mohammadamin Nowrouzi (Tehran)

• Ali Kabiri (Tehran)

Katika usomaji wa kuiga , washindi walikuwa:

• Amir Taha Ghahremanpour (Ardabil)

• Sobhan Abdollahi (Khorasan Razavi)

• Mohammadreza Poursafar (Azabajani Mashariki)

• Mohammadamin Nabilou (Tehran)

• Mohammad Hossein Azimi (Mazandaran)

Katika kundi la usomaji wa wawili (duo), washindi walikuwa:

• Masoud Sharifi na Mohammad Mohammadi (Markazi)

• Mohammadreza Faghihinia na Erfan Hassanzadeh (Azabajani Mashariki na Tehran)

• Ali Esfahani na Ahmadreza Ashouri (Isfahan)

• Mohammad Hossein Rabieian na Mohammadreza Abbasian (Tehran)

• Mohammad Esmaeili na Behnam Rahmani (Ardabil)

Zaidi ya wasomaji 1,600 kutoka mikoa yote 31 walijiandikisha, ambapo 94 walifika hatua ya mwisho. Washiriki wenye umri kati ya miaka 14 hadi 24 walishindana katika aina mbalimbali za usomaji wa Qur’ani chini ya usimamizi wa majaji wa kimataifa.

Mashindano haya, yaliyobeba kauli mbiu “Qur’ani, Kitabu cha Waumini,” yaliandaliwa na Kituo cha Masuala ya Qur’ani cha Taasisi ya Al al-Bayt kwa msaada wa taasisi za kitamaduni na za Qur’ani. Kisomo chote kilirekodiwa na kitachapishwa kupitia mitandao ya taasisi hiyo.

Hafla ilihitimishwa kwa heshima kwa washindi, ikifunga rasmi mashindano ya kwanza ya kitaifa ya Qur’ani “Zayen al-Aswat.”

3494844