Kuandaa Mazingira ya Ndoa kwa Vijana; Mfano wa Ushirikiano Katika Qur’ani

IQNA – Ushirikiano na watu binafsi pamoja na taasisi zinazojitahidi kuandaa mazingira ya ndoa na kuundwa kwa familia kwa vijana ni miongoni mwa mifano dhahiri ya ushirikiano wa kijamii.

Qur’ani Tukufu yasema:

“Waowesheni wale wasio na wake miongoni mwenu, na watumwa wenu wa kiume na wa kike walio wema. Na ikiwa ni mafukara, Mwenyezi Mungu atawatajirisha kwa fadhila Zake. Yeye ni Mwingi wa fadhila na Mjuzi.” (Surah An-Nur, Aya ya 32)

Neno la Kiarabu “Al-Ayāmī” katika aya hii ni wingi wa “aym” likimaanisha mtu asiye na mke au mume, awe kijana au mjane.

Kauli ya “Ankihū al-Ayāmī” ni amri kwa jamii kusaidia na kurahisisha ndoa kwa wasio na wenza. Hivyo basi, ndoa si jambo linaloweza kufanikishwa bila msaada na ushirikiano wa wengine. Jamii inapaswa kujitahidi kuweka mazingira ya utambulisho, maelewano na maandalizi ya ndoa.

Upatanishi bora kabisa ni ule wa kupatanisha  na kusaidia katika jambo la ndoa. Imeelezwa katika Hadith:

“Yeyote anayemfanya mwenzake kuwa bwana harusi au bi harusi, atakuwa chini ya kivuli cha Arshi ya Allah.”

Umaskini haupaswi kuchukuliwa kama kizuizi cha kuchukua hatua ya ndoa; kwani Allah amekwishahidi kwamba Atawapatia riziki wanandoa.

Kauli ya Qur’ani kuhusu “Mwenyezi Mungu ni Mwingi wa fadhila na Mkarimu” na ahadi ya “kuwatajirisha kwa fadhila Zake” inaonyesha kuwa ndoa sahihi ni njia ya kupanua na kubariki maisha.

“Na ikiwa ni mafukara, Mwenyezi Mungu atawatajirisha kwa fadhila Zake; Yeye ni Mwingi wa fadhila na Mjuzi.”

Imepokewa kutoka kwa Imam Sadiq (AS):

“Yule asiyeoa kwa hofu ya umasikini, hakika ameshaka rehema ya Allah.”