حماس کے قیام کی 35 ویں سالگرہ کا جشن منانے کا اعلان
ایکنا کے مطابق حماس کی سرکاری ویب سائٹ کا حوالہ دیتے ہوئے فلسطین کی اسلامی مزاحمتی تحریک کے ترجمان حازم قاسم نے اس خبر کا اعلان کرتے ہوئے کہا: یہ تقریب غزہ شہر میں لوگوں کی بڑی تعداد کے ساتھ منعقد ہوگی۔
قاسم کے مطابق، اس فیسٹیول میں مرکزی تقریر حماس تحریک کے مختلف موقف کے بیان کے لیے مخصوص ہوگی، اور کئی دیگر موضوعات پر بھی گفتگو کی جائے گی۔
انہوں نے واضح کیا: اس جشن میں بیت المقدس کی محوریت اور اس میں موجود اسلامی اور عیسائی مقدس مقامات کے مسائل اور مسجد اقصیٰ کے انتظامی حالات کی سنگینی پر زور دیا جائے گا۔
قاسم نے کہا: تحریک حماس کی تاسیس کی سالگرہ کے موقع پر، مغربی کنارے میں فلسطینی قوم کی مزاحمت اور اس قوم کی اپنی مقبوضہ سرزمین کو دوبارہ حاصل کرنے اور پناہ گزینوں کی اپنے وطن واپسی کے حق کے لیے اس تحریک کی طرف سے اس کی جائز جدوجہد کی حمایت پر تاکید کی جائے گی۔
فلسطین کی اسلامی مزاحمتی تحریک حماس کی بنیاد 1987 میں عبدالعزیز رنتیسی اور شیخ احمد یاسین کی قیادت میں رکھی گئی تھی اور اس کا مقصد تمام فلسطینی سرزمین پر قبضے کا خاتمہ اور آزادی کو قرار دیا گیا تھا۔
اس تحریک نے غزہ سے صیہونی حکومت کے انخلاء اور اس کے قبضے کے خاتمے میں اہم کردار ادا کیا اور اس کے بعد سے اپنی فوجی طاقت کو مضبوط بنا کر قابضین کے خلاف فلسطینی عوام کی مزاحمت کی حمایت کا کام کیا ہے۔
4100076
