پاکستان کے زیرانتظام کشمیر میں ایک ہزار سے زائد قرآن مدارس بند

ایکنا: پاکستان کے ساتھ کشیدگی میں اضافے کے ساتھ انڈیا کے زیر انتظام «کشمیر» میں ہزاروں قرآنی مدارس کو بند کردیا گیا۔

ایکنا نیوز- «swissinfo.ch» نیوز ویب سائٹ کے مطابق پاکستان کے زیرِ انتظام کشمیر میں حکام نے گذشتہ روز ایک ممکنہ بھارتی فوجی کارروائی کے خدشے کے پیشِ نظر ۱۱۰۰ سے زائد قرآن مدارس کو بند کرنے کا فیصلہ کیا ہے۔

حفیظ نظیر احمد، جو مقامی محکمۂ امورِ دینیات کے سربراہ ہیں، نے بتایا: "ہم نے پاکستان کے زیرانتظام کشمیر میں موجود ۱۱۰۰ قرآن مدارس، جہاں ہزاروں بچے قرآن پاک کی تعلیم حاصل کرتے ہیں، کو ۱۰ دن کے لیے بند کرنے کا اعلان کیا ہے۔"

ایک ذرائع کے مطابق، یہ فیصلہ سرحد پر کشیدگی اور بھارت کے ساتھ ممکنہ جھڑپ کے خدشے کے باعث کیا گیا ہے۔

بھارت نے ۲۲ اپریل کو اپنے زیرِ انتظام کشمیر میں ہونے والے ایک مسلح حملے، جس میں ۲۶ افراد ہلاک ہوئے، کا الزام پاکستان پر عائد کیا ہے۔ بھارت کے وزیراعظم نریندر مودی نے اس حملے کے جواب میں اپنی فوج کو مکمل اختیار دے دیا ہے۔

اس الزام کے جواب میں، اسلام آباد نے حملے میں کسی بھی قسم کی مداخلت کی تردید کی ہے اور کہا ہے کہ اس کے پاس بھارت کی جانب سے ممکنہ فوجی کارروائی کی منصوبہ بندی کے ٹھوس شواہد موجود ہیں۔ پاکستان نے اعلان کیا ہے کہ وہ کسی بھی قسم کی جارحیت کا منہ توڑ جواب دے گا۔/

4279665