په مسجدالحرام کې د قرآن د ویشلو لپاره روباټ ځاي په ځاي شوي (انځورونه)
ایکنا-(تهران)په مکې مکرمې کې د مسجد الحرام د چارو مسئولان وائي ، چې د طواف او وداع دترسره کولو په وخت کې په حاجیانو کې د قرآن کریم د ویشلو په خاطر یو شمیر روباټونه ځاي په ځاي کړائ شوي دي اوپه عین حال کې له پرون راهسې ، دعربستان د ټاټوبی د پریښودو په وخت کې حاجیانو ته د یو میلیون قراني نسخو ډالۍ کول پيل شوي دي .
ایکناخبری آژانس د العین له قوله راپور راکړ، د مسجد الحرام او مسجد النبی د چارو عمومی ریاست ، د مسجد الحرام په داخل کې او د طواف او وداع په حاجیانو کې د قرآن کریم دنسخو دویشولو په خاطر یو شمیر روباټونه دیره کړي دي .
د مسجد الحرام د چارو دتوجیهي چارو مرستیال بدر بن عبدالله افریح په یولړڅرګندونو کې ووئيل ،ددغو روبوټونو ځانګړنه او همداراز په حرکت او موقعیّت موندلو کې او دغه راز له کسانو او ځینو شیانو او خنډونو سره دډغرې د مخنیوي لپاره د تري ډي سنسر په درلودلو کې آسانتیاوې دي .
الفریح ددې خبرې په کولو سره چې دغه روبوټونه ، څه دپاسه دولس ساعته کار کوي ووئيل ، د دوي بیرته چارج کیدا څلور ساعته وخت اخلي او د دوي وزن هم ۵۹کلوګرام او په سیکنډ کې ئې سپيډ هم له اعشاریه پنځو ، تر یونیم میټرو پورې دی او دکنټرولولو وړ دي . روبوټونه دغه راز له لسو تر څلویښت کلوګرامو پورې وزن وړلی شي .
د وداع طواف هغه طواف دی ، چې حاجی صیب ئې د حج دمناسکو له ختمولو وروسته او له مکې د بهر دتلو په وخت ترسره کوي. او په مکې مکرمې کې د هغه تر ټولو وروستی عمل دی .
نن په عربستان کې د ذی الحجې دیارلسمه او د تشریق د ورځو دریمه ورځ ده .
