د فرانسې پارلمان د یوه وژل شوي مسلمان لمونځکوونکي په درناوي یوه دقیقه چُپتیا وکړه
ایکنا خبری آژانس رآپور راکوي، دا مراسم د فرانس د ملي پارلیمان مشرې یائل براون-پیوه لخوا اعلان شوي وو، چې دا وژنه ئې یوه ترهګریزه او بزدلانه پېښه بللې وه، چې ټول ملت ئې حیران کړ.
براون-پیوه وویل، د دغو مراسمو پرېکړه د څو پارلماني ډلو له مشرانو سره تر مشورې وروسته وشوه، که څه هم په پیل کې پرې اتفاق نه و.
هغې د عامو خلکو پراخو احساساتو او د سیسه د مرګ د شرموونکي ناوړه اقدام په وړاندې د مبارزې پر اړتیا ټینګار وکړ او و ې ویل، د هغه یاد باید په درناوي او وقار سره ولمانځل شي.
دا مراسم د سیاسي کړکېچ په مینځ کې ترسره شول. د فرانسې نه تسلیمیدونکي (LFI) ډلې مشرې ماتیلد پانوت وویل، چې براون-پیوه په پیل کې دا وړاندیز رد کړی و او هغې د ښي پال سرزوري یا تندلارې ډلې «ملي غونډې» (RN) دباؤنو ته یې اشاره وکړه.
پانوت په خپل X پاڼې کې لیکلي: د ابوبکر سیسه په درناوي یوه دقیقه چُپتیا، د ملي پارلیمان د مشرې او د ښي پال لوري مشرې مارین لو پن د لومړني مخالفت سره سره ترسره شوه. مونږ تسلیم نه شو. دا زمونږ ویاړ دی، چې استازو دغه ستره اسلام ضده جرم ته ئېپام ونه کړ.
د یوه ګډونوال په وینا، مارین لو پن د کیڼ اړخو ګوندونو له خوا د دغو مراسمو د سیاسي سوءاستفادې په اړه خبرداری ورکړ او ټینګار ئې وکړ،چې چُپتیا معمولاً په هغو موردونو کې پلي کیږي، چې پرې ټولنیز توافق موجود وي.
د فرانس انفو د راپور له مخې، شکمن بریدګر، چې د اولیویه اچ. په نامه، د ۲۰۰۴ کال د بوسنیائي اصل فرانسوي ښاریز دی، د څو ورځو تېښتې وروسته د یکشنبې په ورځ ناوخته په ایټالیا کې د پولیسو یوه سټیشن ته ورغی او ځان یې چارواکو ته وسپاره. هغه نیول شوی او فرانسې ته د هغه د بېرته ستنولو بهیر روان دی.
چارواکو ویلي، قرباني شوی کس ۲۴ کلن و، د مالي اوسیدونکی و او د جمعې په ورځ سهار د لمانځه پر مهال په جومات کې دننه له ۴۰ تر ۵۰ چاقو ګوزارونه پرې شوي.
د فرانسې خبري اژانس د راپور له مخې، قاتل د قرباني شوي کس د ژوند د وروستیو شیبو ویډیو په جومات کې ثبت کړې وه. د رسنیو د راپورونو له مخې، شکمن بریدګر د اسلام ضده شعارونو د ورکولو پر مهال د خپل عمل ویډیو د موبایل له لارې ثبت کړې او یو بل کس ته یې لېږلې وه.
https://iqna.ir/fa/news/4279378
