Rais wa Syria Ahudhuria Sala ya Idul-Adha mjini Aleppo
Kwa mujibu wa shirika rasmi la habari la Syria SANA, Msikiti wa Abdullah ibn Abbas katika mji huo ulikuwa mwenyeji wa sala hiyo.
Idadi kubwa ya viongozi wa serikali na mitaa pamoja na watu wa Aleppo walihudhuria maombi hayo.
Assad aliwasili Aleppo siku ya Ijumaa, akitembelea mji huo kwa mara ya kwanza tangu kuanza kwa hujuma za waasi na magaidi wanaoungwa mkono na madola ya kigeni katika nchi hiyo ya Kiarabu mwaka 2011.
Akitembelea miundombinu ya maji na umeme ya jiji hilo, alisema Aleppo imekumbwa na ugaidi na uharibifu zaidi kuliko maeneo mengine ya Syria na hivyo watu wanapaswa kufaidika zaidi na juhudi za ujenzi.
Sikukuu ya Idul-Adha iliadhimishwa Jumamosi nchini Syria na baadhi ya nchi nyingine za Kiislamu huku baadhi ya nchi nyingine za Kiislamu zikiadhimisha sherehe hizo siku ya Jumapili.
Idul Adha ni moja ya sherehe muhimu zaidi za Kiislamu zinazofanyika baada ya Hajj, hija ya kila mwaka ya kwenda Makka.
Pia inajulikana kama sikukuu ya dhabihu, inaadhimishwa kwa heshima ya kujitolea na utayari wa Nabii Ibrahimu (AS) kumtoa mwanawe kama kitendo cha utii kwa amri ya Mwenyezi Mungu.
