Isa; Nabii ambaye kuzaliwa kwake kulikuwa muujiza

TEHRAN (IQNA) Nabii Isa Masih –Amani ya Mwenyezi Mungu iwe juu yake- (AS) ni mmoja wa wajumbe maalum wa Mwenyezi Mungu ambaye alisimamia, kwa mwenendo na hulka njema na hivyo kuvutia wafuasi wengi na kuwaalika watu wengi kumwabudu Mwenyezi Mungu.

Isa (AS) ni mjumbe maalum wa nne wa Mwenyezi Mungu ambaye alileta dini na alikuwa na kitabu. Jina la kitabu alichokileta kutoka kwa Mwenyezi Mungu ni Biblia.

Mama yake, Maryam (SA), anasemekana kuwa ni dhuria wa Yakubu (AS) na hivyo Isa AS) anachukuliwa kuwa miongoni mwa manabii wa Bani Isra’il.

Alizaliwa katika mji wa Palestina wa Beit Lahm (Bethlehem).

Wengine husema Isa (Yesu) ni neno la Kiebrania linalomaanisha mwokozi. Jina lingine la Yesu ni Masih (Kristo), ambalo pia ni neno la Kiebrania linalomaanisha heri.

Isa alikuwa nabii wa mwisho wa Mwenyezi Mungu kabla ya Mtume Muhammad (SAW) na aliwafahamisha watu kuhusu kuja kwa mjumbe mwingine wa Mwenyezi Mungu aliyeitwa Ahmad (jina jingine la Muhammad (SAW)).

Kuzaliwa kwa Nabii Isa (AS) kulikuwa muujiza. Alizaliwa na mama ambaye alikuwa bikira. Kama Mungu alivyotaka, Maryam (SA), alichukua mimba ya Isa (AS) bila kuolewa na mtu yeyote na bila kuwa na uhusiano na mwanamume yeyote. Mwenyezi Mungu alimjulisha kwamba hivi karibuni angejifungua mtoto ambaye atakuwa na miujiza. Mwenyezi Mungu alimthibitisha kwa Roho Mtakatifu, na kumpa Kitabu, na kisha alimfundisha hekima na kumpeleka kwa Bani Israil kama nabii.

Qur'ani Tukufu inafananisha kuzaliwa kwa Isa (AS) na kule kwa Adam (AS) kwani wote wawili walizaliwa bila baba.

Ndiyo maana Wakristo wanamwita Isa (AS) mwana wa Mungu. Hata hivyo, Waislamu wanaamini kwamba Isa (AS) alikuwa mtumishi maalum wa Mwenyezi Mungu na mjumbe wa Mwenyezi Mungu ambaye alizaliwa kimuujiza.

Wayahudi, wakati huo huo, wanasema Isa (AS) sio mwokozi wao aliyeahidiwa.

Kama ilivyosemwa hapo awali, Mwenyezi Mungu alisema kwamba Isa (AS) atakuwa na miujiza ya pekee. Miujiza ya Isa (AS) inaweza kugawanywa katika makundi mawili: ile ya kabla ya utume na ya baada ya utume.

Miujiza yake kuu kabla ya utume ilijumuisha kuzaliwa kwake na pia kuzungumza kwake katika utoto ili kuthibitisha usafi wake na mama yake.

"Akawaashiria (mtoto). Wakasema: Vipi tumsemeze aliye bado mdogo yumo katika mlezi.  Na amenijaalia ni mwenye kubarikiwa popote pale niwapo. Na ameniusia Sala na Zaka maadamu ni hai.  Na amenijaalia ni mwenye kubarikiwa popote pale niwapo. Na ameniusia Sala na Zaka maadamu ni hai.  Na nimtendee wema mama yangu. Wala hakunifanya niwe jeuri, mwovu.  Na amani iko juu yangu siku niliyo zaliwa, na siku nitakayo kufa, na siku nitakayo fufuliwa kuwa hai."  (Aya 29-33 za Surah Maryam).